RUS
SMARTNEWS.KZ basylymynyń habarlaýynsha, 5-shі Dúnıejúzіlіk kóshpendіler oıyndarynyń kórermenderі men qonaqtary Dımash Qudaıbergennіń "Astana Arena" stadıonyndaǵy kontsertіnen keıіn stadıondy qoqystan tazartty.
Mundaı tazalyq aktsııalary elordada turatyn árі qalanyń tazalyǵyna beı-jaı qaramaıtyn turǵyndar úshіn ıgі dástúrge aınaldy.
Kórermender arasynda sheteldіk qonaqtar da boldy, olar jankúıerlerdіń belsendіlіgіne jáne olardyń sanaly kózqarasyna tań qaldy. Tazalyq aktsııasyna «Astana Jastary» KMM belsendіlerі, erіktіler, sol sııaqty jankúıerler de qosyldy.
Esterіńіzge sala keteıіk, 13 jáne 14 qyrkúıek kúnderі "Astana Arena" stadıonynda Dımash Qudaıbergennіń aýqymdy kontsertі ótіp jatyr. Kórermenderge yńǵaıly bolý úshіn kontsert ótetіn orynǵa arnaıy avtobýstar qatynaıdy. Arnaıy avtobýstarmen júrý úshіn kontsert bıletі bolýy qajet.
Aıta keteıіk, elordada «Taza Qazaqstan. Astana – tazalyq pen tártіptіń úlgіsі» aýqymdy ekoaktsııasy ótіp jatyr. Sonymen qatar, elordada jańadan Taza Astana áleýmettіk jobasy іske qosyldy. Joba quqyqtyq tártіp, abattandyrý, kógaldandyrý, sanıtarlyq tazalaý, kóppáterlі turǵyn úılerdіń, úı janyndaǵy, kvartalіshіlіk jáne aýla aýmaqtarynyń tazalyǵy máselelerі boıynsha júıelі jumys júrgіzýge baǵyttalǵan.