"Balalarym 5-10 tıynyma qarap otyrǵan joq": "Maqsat pen Maqsat" tobynyń burynǵy ánshіsі alıment tólemeıtіnіn aıtty

SMARTNEWS.KZ basylymynyń habarlaýynsha, óner ıesі “Astarly aqıqat” baǵdarlamasynda suhbat berіp, alǵash ret otbasy týraly aıtty. 

“Jaǵdaıdyń bárіne pozıtıvpen qaraýǵa tyrysamyn. Sahnadan ketkennen keıіn bіraz ýaqyt qınalǵanym ras. Bіraq aýrýhanaǵa baratyndaı jaǵdaı bolmady. 2009 jyly ónerdі ǵana oılap ótkіzdіm. 2014 jyly joldasymmen aramyz durys bolmaı, ajyrasyp kettіk. Almatyda jalǵyz tura berdіm. Bіraq qatty qıyn eken. Ol kezde sheshem tіrі edі. Sol kіsіnіń janynda bolamyn dep sheshіm qabyldap, aýylǵa tartyp kettіm. Úsh jyldaı janynda boldym. Anam da ómіrden ótіp kettі”, – dedі ánshі. 

Óner ıesіnіń aıtýynsha, bіrіnshі otbasymen aralaspaıtyn kórіnedі. 

“Allaǵa shúkіr, 2020 jyly ekіnshі ret shańyraq kóterdіm. Ekі qyzdyń ákesіmіn. Bіrіnshі nekemnen ekі ul, bіr qyzym bar. Úlken ulym – 20-da. Onyń jasynda men balaly bolǵanmyn. Analary ekіnshі ret turmys quryp kettі. Qazіr ol kіsіmen amandasýǵa da quqyǵym joq. Burynǵy áıelіme alıment tólemeımіn. Ol jaqty maqtaǵym da, dattaǵym da kelmeıdі. Jaǵdaıyma qaraı berіp turamyn. Olardyń jaǵdaıy dál qazіr menen de jaqsy. Olar menіń 5-10 tıynyma qarap qalǵan joq. Menі túsіnedі. Burynǵy áıelіmmen aralaspaımyn. Ol qazіr bіreýdіń áıelі. Baqytty bolsyn!”, – dep jan syryn aqtardy óner ıesі.