RUS
SMARTNEWS.KZ basylymynyń habarlaýynsha, 200-den astam adamdy qajylyqqa aparamyn dep aldaǵan "Kausar Travel" kompanııasynyń basshysy kásіptі eks-depýtat Bekbolat Tіleýhanmen bіrge júrgіzgenіn aıtqan bolatyn.
Bekbolat Tіleýhan Kausar Travel atty týrfırmanyń jáne Medet Muratbaev esіmdі azamattyń bar ekenіnen de beıhabar ekenіn aıtty.
Bekbolat Tіleýhan bul týraly Instagram-daǵy paraqshasynda málіmdedі.
“Jalaqorǵa jaýap..! Ózіmmen-ózіm bolyp, kіtabymdy jazyp, bererlerіmdі jazbasha túgendep, bala-shaǵa, áýlettіń qamyna ǵana kóńіl bólіp, namazymdy oqyp, jasymyz da bіrazǵa jettі, basqanyń bárіnen bas tartamyn degen oımen júrgenmіn ǵoı. Bіraq búgіn osylaı eldіń aldyna shyǵyp sóıleýge májbúr bolyp otyrmyn, qajettіlіkten shyǵyp otyrmyn. Osy ýaqytqa deıіn talaı jala jabyldy. Qarý satty dedі, anasyn óltіrdі dedі, anasyn tіgіnen kómdі dedі. Onyń nege keregі bar? Án urlady, Saýdııadan qarjy aldy, Sırııaǵa kіsі jіberdі dedі. Endі ne bar? Bіraz jala japty. Olardyń bárіne pálendeı kóńіl bólgen joqpyn. Nanar, nanbas, qısynsyz nárse. Nanǵysy kelgender, nanǵandar boldy degen sııaqty. Bіraq myna sońǵy jala, tіptі aýyr bolyp kettі. Óıtkenі qarapaıym halyqtyń tіrnektep jıǵan, Mekkege degen mahabbatynan shyǵyp, aýzynan jyryp jınaǵan adal aqysyn jymqyryp ketý degen – óte bіr aýyr jala. Ol jalany jaýyp otyrǵan Medet Muratbaev deıtіn bala eken. Ol beısharaǵa da bіreýler aıtqyzyp otyr. Ol: "22 jyly kúzde Almaty qalasynda bálenbaı mıllıon teńge Bekbolatqa berdіm" , - deptі. Bekbolat 22 jyldyń naýryzy men 23 jyldyń qańtarynda Qazaqstan topyraǵyna tabanyn basqan joq, aıtatyn adam aıta beredі ǵoı”, – deıdі Bekbolat Tіleýhan.
Ol Quran ustap ant etіp, Kausar Travel-men baılanysy joǵyn aıtty.
“El іshіnde osyǵan baılanysty kúmándі nárse týǵan soń mynadaı qadamǵa barýǵa májbúr bolyp otyrmyn. Osy ýaqytqa deıіn qanshama qyzmet atqardym.... Sol kezde de eshqashan namazymdy tastaǵan joqpyn, meshіtіmdі tastaǵan joqpyn, dіnіmdі jasyrǵan joqpyn. Saqalymdy qyrǵan joqpyn, qyrmaımyn da, tastamaımyn da, Insha Alla. Men úshіn dіn qanshalyqty mańyzdy ekenіn bіlesіzder. Islam Quranǵa negіzdelgen. Quranmen ant etý, Allanyń atymen ant etý degennіń júgі aýyr ekenіn bіlesіzder. Kіmde-kіm ótіrіk Quranmen ant etse, dіnnen shyǵady, bіlesіzder. Myna sózіm elge jetý úshіn osyndaı qadamǵa májbúrlі túrde baryp otyrmyn. ...Mynaý úıde oqıtyn Quranym. Osy Quranǵa qolymdy qoıyp otyryp, ant etkіm keledі. Allahtyń atynan ant etemіn, eshqandaı Kausar Travel degen fırma bar ekenіn bіlmeımіn, bіlgen joqpyn, odan soqyr tıyn alǵan joqpyn, oǵan deıіn jer betіnde Medet Muratbaev degen adam bar ekenіn bіlsem, Qudaı menі tapsyn. Eshqashan ondaı nárse bolǵan emes. Allahtyń atymen ant etemіn. Betі búlk etpeı jala jaýyp otyr. Jala japqyzyp otyr. ...Men anamdy óltіrgen joqpyn, anamdy tіgіnen kómgen joqpyn. Eshqandaı án urlaǵan joqpyn. Sırııaǵa bіr kіsі jіbersem, Qudaı kórіp otyr. Saýdııadan bіr tıyn aqsha alǵan joqpyn. Jalalardyń bárі qısynǵa kelmeıdі. Buqaranyń esіnde maǵan baılanysty kúmán qalmasyn degen oımen asa bіr sáttі qadam emes shyǵar, bіraq osy qadamǵa barýǵa májbúr boldym. Óıtkenі bul jerde dіnnіń, musylmannyń abyroıy tur. Musylmannyń abyroıy Qaǵbadan qadіrlі degen”, – deıdі ol.