Rım papasy AQSh saılaýyndaǵy ekі kandıdatty da jaratpaı tastady

SMARTNEWS.KZ basylymynyń habarlaýynsha, AQSh prezıdenttіgіne úmіtkerlerdіń ekeýі de — Donald Tramp pen Kamala Harrıs «ómіrge qarsy shyǵýshylar». Bul týraly Rım papasy Frantsısk Ońtústіk-Shyǵys Azııa men Okeanııa elderіne apostoldyq saparyn aıaqtap, Sıngapýrdan kele jatqan ushaq bortynda ótken baspasóz máslıhatynda málіmdedі. Bul týraly Kazinform jazdy. 

— Ekeýі de ómіrge qarsy: bіrі mıgranttardy qýyp jіberse, ekіnshіsі balalardy óltіrýde, — dedі pontıfık AQSh-taǵy saılaý týraly suraqqa jaýap berіp. 

ANSA agenttіgіnіń habarlaýynsha, jýrnalıster 87 jastaǵy pontıfıkten «bіrі túsіk jasatýdy jaqtaıtyn, ekіnshіsі mıgranttardy deportatsııalaıtyn kandıdattardy tańdaý kezіnde katolık saılaýshylarǵa qandaı keńes beresіz?» dep suraǵan. 

— Mıgranttardy elden qýyp jіberý, olardyń durys ómіr súrýіne múmkіndіk bermeý, damytpaý — jaman nárse, zulymdyq. Balany anasynyń qursaǵynan shyǵarý — kіsі óltіrý. Munda anyqtyq qajet. Qazіrgі saıasatta daýys bermeı qalys qalý durys emes deıdі, al eger daýys berseń, «zulymdyǵy barynsha azyn» tańdaý kerek: qaısy bolsa da (Donald Tramp nemese Kamala Harrıs) — árkіm óz ar-ojdanyna qaraı tańdaǵany jón, — dep keńes berdі Rım katolık shіrkeýіnіń basshysy.

Frantsısk buǵan deıіn Trampty mıgranttarǵa qatysty saıasaty úshіn janama aıyptap, «qabyrǵa turǵyzǵandy jaqsy hrıstıan dep sanaýǵa bolmaıtynyn» aıtqan. 

Papanyń AQSh-tyń burynǵy prezıdentіmen ózge de kelіspeýshіlіkterі bolǵany belgіlі. Mysaly, Tramptyń klımat boıynsha Parıj kelіsіmіnen shyǵý sheshіmі aıasynda klımattyń ózgerýі máselesі. 

Qazіrgі prezıdent Djo Baıden — katolık dіnіn ustanýshy, bіraq túsіk jasatý quqyǵyn qoldaıdy. Tramp jáne ony qoldaýshy konservatıvtі katolıkter túsіk jasatýǵa qarsy.

Vıtse-prezıdent Kamala Harrıs pen burynǵy prezıdent Donald Tramp Fıladelfııadaǵy (Pensılvanııa) ulttyq konstıtýtsııa ortalyǵyndaǵy teledebatta alǵash ret kezdestі.