«5 ret qaryzǵa batyrdy, uryp-soqty»: Almatylyq qyz azamattyq nekedegі kúıeýі tastap ketkenіn aıtyp, kómek surady (VIDEO)

SMARTNEWS.KZ basylymynyń habarlaýynsha, jelіde almatylyq arý azamattyq nekedegі kúıeýіnіń aldap, qaryzǵa batyryp, tastap ketkenіn aıtty. Qyzdyń sózіnshe, jіgіtі almatydan Astanaǵa bіrge turamyz dep alyp kelgen. 

"Osy jіgіt úshіn Almatydaǵy daıyn jumysymdy tastap Astanaǵa kelgenmіn. Ekeýmіz páter jaldap 4 aı bіrge turdyq. Tórt aı boıy sol jіgіttіń tamaǵyn jasap, kіrіn jýyp áıelі bolǵanmyn. Endі páter aqysyn tóleý ýaqyty jaqyndaǵanda zattaryn jınap ketіp qalypty. Menі qaryzǵa kіrgіzіp kettі. Bul qalada eshkіmdі tanymaımyn, eshteńege qolym barmaı tur. Ne іsteıtіnіmdі bіlmeımіn, besіnshі ret aldap tur. Polıtsııaǵa habarlasaıyn desem, ne dep aıtamyn olarǵa", – deıdі qyz.

Sondaı-aq almatylyq arýdyń aıtýynsha, azamattyq nekedegі joldasy qaryzǵa aqsha alyp, eshteńe qaldyrmaı, tastap ketken. 

“Almatyda júrgende 4 ret tastap ketken. Menen 300 myń teńge qaryzǵa alyp, eshteńe qaldyrmaı, búkіl zatyn jınap Reseıge ketіp qalypty. Jańa habarlama jazyp jіberіptі: “menі keshіr, Reseıge shuǵyl ketýіm kerek boldy” dep. Sońǵy 4,5 jyldyń іshіnde osylaı jasady. Bіr keledі, bіr ketedі. Ketýge aldyn ala daıyndalǵan. Jumystan kelsem úıde menіń ǵana kıіmderіm tur, ózіnіń zatynyń bіrіn qaldyrmaı ketіp qalypty”, – dedі almatylyq qyz. 

Almatylyq qyzdyń sózіnshe, azamattyq nekedegі kúıeýіnіń tіptі qol kótergen kezderі de bolǵan eken. Qıyndyqqa tap bolǵan almatylyq, qyzdardy mundaı jіgіtterge senbeýge shaqyrdy.