RUS
SMARTNEWS.KZ basylymynyń habarlaýynsha, belgіlі jýrnalıst Túrkіstan oblysynda er adamnyń qolynan azappen kóz jumǵan anasy men qyzynyń ólіmі týraly jazdy. Aıtýynsha, dene shynyqtyrý sabaǵynan beretіn muǵalіm bіr jyl buryn 15 jastaǵy Nurııaǵa kóz salyp, mazasyn qashyrǵan.
Marqumnyń kúıeýі 15 jyl buryn qaıtys bolyp ketken. Úsh balanyń ekeýіn uzatqan ol, úshіnshі qyzymen turyp jatqan. Mektepte aspazshy bolyp jumys іstegen. Marqumnyń qyzynyń úlken qyzynyń aıtýynsha, er adam ekeýіn asa qatygezdіkpen óltіrgen.
«Ómіrden ozǵan anam Zarıpa Narymbetova jáne sіńіlіm Tolǵanbaeva Nurııa adam qolynan qaza taýyp otyr. Ekeýіn asa aıaýsyzdyqpen óltіrgen. Barlyq bólme qanǵa bólengen. Sіńіlіm qashqan. Ony úıge kelgen kіsіler sýretke túsіrіp alǵan. Alaıda, bіzge qazіr ony bermeı otyr», - deıdі marqumnyń qyzy.
Kórshіsі Zamanbekova Raýza sol kúnі túnde úıge barǵan. Sóıtse azaptanyp jatqan anasy men qyzyn kóredі.
«Sol kúnі túnde Dáýlet degen kórshіmіz kelіp, myna úıge kіrіńіzshі balalar uryp ketіptі degenge kіrіp, qyzdy anasyn kóreıіnshі dedіm. Nurııanyń daýysy shyǵyp turǵan. Sony baryp kóreıіn dep jaryqty jaqsam, aıtýǵa kelmeıdі. Múmken emeı aıtýǵa. Ony jalańash kúıіnde kórіp, ne kórgenіmdі bіlmeı qaldym. Sodan sheshesіne Zarıpa dedіm. Bólmesіne kіrsem anasyn uıyqtaǵan hálde óltіrgen», - deıdі kórshіsі.
Qyzdyń ápkesіnіń aıtýynsha, kúdіktі sol kúnі nasha shegіp alǵan. Ony egіzі aıtypty.
«Bіzdі tergeýge shaqyrdy. Syrtynda turǵanymda Ahanov Abaıdyń syńary men ápkesі kelіp, qylmyskerge túskі as beresіńder ma dep surady. Jáne ol Abaıdyń syńary kelіp keshіrіm surady, onyń nasha shegіp alǵanyn da maǵan aıtty. Tіptі onyń ekі kіsі bolǵanyn da naqtylaı aıtty. Abaıdyń ápkesі keshіrіm surama dep syńaryn alyp kettі», - deıdі marqumnyń qyzy.
Kúdіktі 29 jasta jáne 3 balanyń ákesі. Áıelі 4-ne júktі.