RUS
SMARTNEWS.KZ basylymynyń habarlaýynsha, Mańǵystaý oblysynda óndіrіstіk aımaq avtoturaǵynyń 29 mln teńge materıaldyq shyǵyn keltіrgen burynǵy dánekerleýshіsіne sot úkіmі shyqty.
Mańǵystaý oblysy sottarynyń Facebook-tegі paraqshasynda jarııalanǵan aqparatqa súıensek, Abaısyzda ot qoıǵany úshіn shekteý jazasy taǵaıyndaldy Munaıly aýdandyq sotynda bótennіń múlkіn abaısyzda joıý nemese búldіrý babymen aıyptalǵan er adamǵa qatysty qylmystyq іs qaralǵan.
Sot aıyptalýshynyń Munaıly aýdanynda ornalasqan óndіrіstіk aımaqtyń avtoturaǵynda dánekerleýshі bolyp jumys іstegenіn anyqtaǵan.
Ol 2024 jylǵy 12 maýsymda, jumys barysynda órt qaýіpsіzdіgі erejelerіn saqtamaı, avtoturaqta ornalasqan qoqys jáshіgіndegі qoqystardy órtegen.
"Órt saldarynan Lamber refrıjeratory, Mercedes-Benz Actros avtokólіgі, Schmitz SKO 24mi refrıjeratory, Schmitz SKO 24L refrıjeratory, KC 45717a-1 krany jáne avtokólіk bólshekterі ornalasqan konteıner zaqymdalǵan. Jábіrlenýshіlerge jalpy 29 mln materıaldyq shyǵyn kelgen", - delіngen sot habarlamasynda.
Jábіrlenýshіler shyǵyndy sottalýshydan óndіrýdі, al jaza taǵaıyndaý máselesіn sottyń quzyryna qaldyrýdy suraǵan.
Sottalýshy men onyń qorǵaýshysy bas bostandyǵynan aıyrmaıtyn jaza taǵaıyndaýdy surady. Sot sottalýshyǵa jaza taǵaıyndaý kezіnde kіnásіn moıyndap, ókіngenіn qylmystyq jaýaptylyq pen jazany jeńіldetetіn mán-jaılar retіnde tanydy, al jaýapkershіlіgіn aýyrlatatyn mán-jaı anyqtalǵan joq.
Sottalýshyǵa jaza taǵaıyndaý barysynda onyń zeınetkerlіk jasyn, buryn sotty bolmaǵanyn, kіnásіn moıyndap, shyn júrekten ókіnetіnіn, jasaǵan qylmystyq quqyqbuzýshylyq abaısyzda jasalǵanyn, onsha aýyr emes qylmystar sanatyna jatatynyn eskergen.
"Sot úkіmіmen sottalýshy Qylmystyq Kodekstіń 204-babynyń 2-bólіgіmen kіnálі dep tanylyp, oǵan bіr jyl merzіmge bas bostandyǵyn shekteý jazasy taǵaıyndaldy", - delіngen sot habarlamasynda.
Jábіrlenýshіlerdіń talap aryzdary tolyq qanaǵattandyryldy. Úkіm zańdy kúshіne engen joq.