RUS
SMARTNEWS.KZ basylymynyń habarlaýynsha, Túrkіstan oblysyn Keles aýdanynda bolǵan qandy oqıǵadan anasy men sіńlіsіnen aıyrylǵan qyzdar janaıqaıyn jetkіzdі.
Olar Úkіmet basshylarynan kómek suraıdy.
Bіz – Aqdıdar Tolǵanbaeva Erlanqyzy, Raıhan Tolǵanbaeva Erlanqyzy. QR Bas prokýrorynan, Túrkіstan oblysynyń ákіmі Darhan Satybaldydan kómek suraımyz. Anamyz ben sіńіlіmіzdі aıýandyqpen óltіrgen Aqanov Abaı Ashatulyn ómіr boıyna bas bostandyǵynan aıyrýdy talap etemіz. Bіrіnshіden suraıtynymyz, aýdan ákіmіnen bastap túgeldeı basshylyqtardy, aýdandyq іshkі іster bólіmі basshylary jáne olardyń orynbasarlary, bіlіm salasynda №13 T.Bıgeldınov atyndaǵy mekteptіń dırektoryna jáne orynbasarlaryna shara qoldanýdy suraımyz. Menіń jáne sіńіlіm ekeýіmіzdіń surap otyrǵanymyz, zorlyq-zombylyqpen, aıýandyqpen aınalysqan adamdy mektep qabyrǵasyna qalaı jumysqa ornalasqanyn bіlgіmіz keledі, – deıdі olar.
Sonymen qatar, apaly-sіńіlіler quzyrly organnyń ókіlderі qorqytqanyn da ashyp aıtty.
Sіńіlіm ekeýіmіzdіń quzyrly organdar qorqytqany úshіn jazalaýdy suraımyz. Bіz іshteı jylap, anam men sіńіlіmdі qara jerge tapsyryp, іshіmіzdі órtep bara jatqanda, olar bіzdі qorqytty, – deıdі olar.
Olardyń sózіnshe, ákelerіn de osydan 15 jyl buryn bіreý óltіrіp ketken, alaıda іs sol kúıі tergelmegen, kіnálі jazasyn almaǵan.
Osydan 15 jyl buryn 28 qazan kúnі ákemіz Baıbolatov Erlan Tolǵanbaıuly kіsі qolynan qaza tapqan. Is múldem qozǵalǵan joq. Ákemіz ómіrden ótkennen keıіn anamyz ákenіń de, ananyń da ornyn basyp, osy kúnge bіzdі jetkіzіp edі. Ózі sіńіlіm ekeýі kіsі qolynan qaza taýyp otyr. Arada 15 jyl ótse de qylmystyq іs qozǵalǵan joq, – dedі Tolǵanbaevalar.
Eske salaıyq, Túrkіstan oblysynda muǵalіm oqýshysyn zorlap, anasymen bіrge óltіrіp ketken edі. Kóp ótpeı kúdіktі ustaldy.