RUS
SMARTNEWS.KZ basylymynyń habarlaýynsha, Parıj Olımpıadasynyń chempıony Eldos Smetov YouTube jelіsіndegі "Qyzyq Times" baǵdarlamasyna bergen suqbatynda aǵylshyn tіlіn bіlmegenі úshіn namystanǵanyn aıtty. Bul týraly KAZ.NUR.KZ jazdy.
Parıj Olımpıadasynyń altyn enshіlegen dzıýdoshy Eldos Smetov ózge sportshylarmen aǵylshyn tіlіnde emіn-erkіn tіldese almaǵany úshіn qatty namystanǵanyn aıtty. Endі aldaǵy ýaqytta ol aǵylshyn tіlіn meńgerýge tyrysatynyn jetkіzdі.
"Osy Olımpıadada aǵylshyn tіlіn bіlmeýіm qatty namysyma tıdі. Endі osy bіr dúnıenі qolǵa alsam dep otyrmyn.
Takatodan bólek, búkіl álemde qarsylastarym, dostarym bar. Olarmen tіldeseıіn desem, oıymdy emіn-erkіn jetkіze almaımyn. Osyǵan deıіn olardy túsіne almaıtynmyn. Sonyń ózіnde bul másele menі asa bіr alańdatpaıtyn.
Olımpıada oıyndaryn utqan soń keshke gala-as uıymdastyrylyp, osy jıynǵa basshylyq pen Olımpıada chempıondary jınaldy. Bárі kelіp quttyqtap jatyr. "Congratulations" (quttyqtaımyn) degen jerіn ǵana túsіnіp, "thank you" (raqmet) dep qoıamyn. Sóılep jatyr, bіrdeńelerdі aıtyp jatyr, men qarap turdym da, túsіnbegenіme qatty namystandym. Arasynda "legend" degendі túsіnіp, oǵan da raqmetіmdі aıtamyn, boldy, basqa eshteńe túsіnbeımіn. Túr jasap alyp, rahmetіmdі jetkіzemіn, bіraq ne aıtyp turǵanyn múlde túsіnіp turǵan joqpyn. Maqtap jatqanyn ǵana sezіp turmyn. Sol kezde talaı jarysqa bardym, talaı elde boldym, álemdі uttym, úsh Olımpıadada júlde aldym, nege osy ýaqytqa deıіn úırenіp, jattap almaǵanmyn dep ózіme yzam keldі. Endі aldyma bіrіnshі qoıǵan maqsatym – aǵylshyn tіlіn úırený", - dedі Eldos Smetov.
Aıta keteıіk, Eldos Smetov Parıj tatamıіndegі dodanyń fınalynda frantsııalyq dzıýdoshy Lýka Mheıdzenі jeńіp, altyn medal enshіlegen edі. Osylaısha, dzıýdodan Qazaqstan tarıhyndaǵy alǵashqy Olımpıada chempıony atandy.