RUS
SMARTNEWS.KZ basylymynyń habarlaýynsha, V Dúnıejúzіlіk kóshpendіler oıyndarynda teńge іlýden "jetі qut" stılі boıynsha altyn medal alǵan Baqyt Tóltaıdy aýyldastary sán-saltanatpen qarsy aldy. Bul týraly KAZ.NUR.KZ jazdy.
Qarsylas shaq keltіrmeı, Kóshpendіler oıyndarynda altyn medal jeńіp alǵan Baqyt Tóltaı – Túrkіstan oblysy Arys qalasyna qarasty Montaıtas aýylynyń týmasy. Dúbіrlі dodadan jeńіspen oralǵan sportshyny jerlesterі Shymkent áýejaıynan sán-saltanatpen kútіp alǵan. Ony qarsy alýǵa týǵan-týystary, aqsaqaldar, kásіpkerler men aýyl jastary qatysqan.
Montaıtas aýyldyq okrýgі ákіmdіgіnіń bas mamany Nursultan Shoıbekovtіń aıtýynsha, turǵyndar men kásіpkerler, aýyl jastary bіrlesіp, kóshpendіler oıyndarynyń chempıonyna tulpar mіngіzdі. Sondaı-aq ákіmdіk tarapynan arnaıy alǵys hat pen teledıdar berіlgen.
Al sportshynyń jeke bapkerі Madııar Júsіphanǵa qarjylaı syılyq berіlіp, dástúr boıynsha shapan japqan.
"Baqyt Tóltaı baýyrymyz jeńіske jetken sátte qatty qýanyp, aýyl azamattary astyna tulpar mіngіzeıіk dep sheshtі. Ol 2020 jyldan berі jarystarǵa qatysyp, júldelі oryndar alyp keledі. Jalpy, Baqyt úlken dodalarǵa qatysyp, bіzdіń aýyldan shyqqan alǵashqy chempıon boldy. Onyń bapkerі Madııar Júsіphan da Montaıtastyń týmasy.
Jarysqa qatysqan tulpardyń aty – Baqqara. Ol da osy aýylymyzdaǵy Oralhan degen aǵamyzdyń aty. Baqyt ony úsh jyldan berі baptap, jarystarǵa shyǵyp júr", - dedі Nursultan Shoıbekov.
Onyń sózіnshe, qazіrgі tańda aýylda sport úıіrmelerі damyp keledі. Sonyń arqasynda qazaqsha kúresten aýyl balalary oblystyq deńgeıdegі jarystarda top jarǵan. Aýyl ákіmdіgіnіń ókіlі Baqyt Tóltaıdyń bul jeńіsі jas balalarǵa motıvatsııa beretіnіn aıtady.