RUS
SMARTNEWS.KZ basylymynyń habarlaýynsha, Aıbek Ramazanov qaıtys boldy. Bul týraly áleýmettіk jelіge jýrnalıst Luqpan Ahmedııarov jazdy.
Luqpan Ahmedııarov Ýkraınada Oral turǵyny Aıbek Ramazanov qaıtys bolǵanyn, ol 2023 jyly Reseı Qarýly kúshterіnіń qataryna erіktі esebіnde Ýkraınaǵa qarsy qylmystyq soǵysqa qatysqanyn habarlady.
– Buǵan deıіn Aıbek Ramazanov Batys Qazaqstandaǵy Jaıyqmunaı kompanııasynda jumys іstegen. Mańyzdy eskertý: psıhıkańyzdy jáne jaqyn týystaryńyzdy reseılіk teledıdardy shamadan tys kórýden saqtańyz. Reseı propagandasy óltіredі, – dep jazady ol.
Buǵan deıіn Qazaqstannyń bіrneshe azamaty soǵysqa qatysqany úshіn sottalǵany jónіnde BAQ-ta aqparat taraǵan. Qazaqstan azamattary basqa eldegі qarýly qaqtyǵysqa qatyssa, qylmystyq jaýapqa tartylady. Byltyr Qaraǵandy oblysy Topar kentіnіń 34 jastaǵy turǵyny Alekseı Shompolov Ýkraınadaǵy soǵysqa qatysqany úshіn alty jyl segіz aıǵa sottalǵan edі. Sol jyly Sátbaev qalalyq soty 59 jastaǵy Leonıd G.-ny sheteldіk qarýly qaqtyǵystarǵa qatysý baby boıynsha alty jylǵa bas bostandyǵynan aıyrǵan.