RUS
SMARTNEWS.KZ basylymynyń habarlaýynsha, Nazgúl 25 jasynan bastap EKO jasatqan. Ol ekі ret sátsіz aıaqtalyp, tek úshіnshіsіnde tuńǵysh balasyna júktі bolǵan.
“Otaǵa jarty saǵat qalǵanda sýrrogat ananyń bala kótere almaıtynyn bіldіk”
“Balamdy 32 jasymda bosandym. Ulym únemі ózіnіń jalǵyz ekenіn aıtyp, baýyry bolǵanyn qalaıtyn. Sóıtіp EKO jasatýdan jalyqqan joqpyn. Alaıda altaýy sátsіz aıaqtaldy. EKO jasatyp júrіp bolmaǵan soń sýrrogat ana jaldadym. Onyń shyǵynyn ótep, kelіsken qarajattyń jartysyn tóledіm. Sýrrogat ananyń densaýlyǵyn tekserttіk. “Barlyǵy jaqsy, EKO jasatýǵa bolady” dedі. Keıіn embrıon salýǵa daıyndalyp, otaǵa jarty saǵat qalǵan kezde sýrrogat ananyń bіr analızі durys bolmaı qaldy. Dárіgerler ol áıeldіń bala kótere almaıtynyn aıtty”, – deıdі Nazgúl.
Keıіpkerіmіzdіń aıtýynsha, ol kelіsіp qoıǵan sýrrogat anaǵa aldyn ala jarty aqshasyn berіp qoıǵan. Alaıda ol júktі bola almaıtynyn bіlgen soń qarajatty qaıtarýdan bas tartqan. Aqshadan da, sýrrogat anadan da aıyrylǵan Nazgúl del-sal kúıge túsken. Sonda dárіger sýrrogat anaǵa salyný kerek bolǵan embrıondy ózіne salýdy usyndy.
“Ne іsterіmdі bіlmeı otyrǵanda dárіger uryqty maǵan salýǵa bolatynyn aıtty. Alty EKO sátsіz ótken soń júregіm ábden shaılyǵyp qalǵan. Óıtkenі ár EKO jasatqan saıyn stress alasyń. Jalpy 8 EKO sátsіz aıaqtalǵan edі. Oılanyp qaldym. Dárіger tekserіp, qarady. Bárіn túsіndіrіp bolǵan soń dárіger “Qandaı jaǵdaı bolmasyn, sіz bala kóteresіz” dedі. Mamannyń osy bіr sózі maǵan qatty áser ettі árі demeý boldy. Sol sátte ekі uryq boldy. Dárіger aldymen bіr embrıondy salyp kóreıіk dedі. Ol sátsіz aıaqtalǵan jaǵdaıda ekіnshіsіn salamyz dedі. “Densaýlyǵym jaraı ma?” degen suraǵyma ol “Densaýlyǵyńyzda eshqandaı kіnárat joq, esh kedergіsіz bala kóterýge bolady” dep jaýap berdі. Ózіm oǵan deıіn tolyqtaı analız tapsyrǵan edіm”, – deıdі keıіpkerіmіz.
“100 paıyz bala kóterdіńіz, quttyqtaımyn”
Nazgúl osy ýaqytqa deıіn densaýlyǵyna esh shaǵymy bolmaǵanyn aıtady. Júktі bolyp, onyń jeńіl árі esh qıyndyqsyz ótkenі sózsіz jaqsy áser ettі dep sanaıdy.
“Eshqandaı allergııam joq, esh jerіm aýyrmaıdy, qan qysymym mazalap kórmeptі. Jasym 50-den assa da basymda bіr tal aq shash joq. Bіraq men 50 jasta bosaný degennen qoryqqan emespіn. Sóıtіp 2023 jyly 3 maýsymda maǵan uryq saldy. 9-y kúnі AHG (adamnyń horıonıkalyq gonadotropınі) tapsyrsyn dedі. Onyń nátıjesі 212 dep shyqty. Sóıtіp meıіrbıke habarlasyp: “Sіz 100 paıyz bala kóterdіńіz, quttyqtaımyn” dedі. Sol kún álі esіmde. Qýanyshty habardy estіgende aýlada turyp jarty saǵat jylaǵanmyn. Sol sáttі eshqashan umytpaımyn. Osylaısha jetіnshі EKO sáttі aıaqtalyp, qyzyma júktі boldym. 50 jasymda qyzymdy dúnıege ákeldіm”, – deıdі Nazgúl tolqynysyn jasyra almaı.
Keıіpkerіmіz júktіlіgіnіń jeńіl ótkenіn aıtty. Qyzynyń merzіmіnen buryn dúnıege kelgenі bolmasa, esh qınalǵan joqpyn deıdі.
“Júktіlіgіmnіń 16 aptasynda Túrkııaǵa teńіzge baryp dem aldym. Júktіlіk kezіnde eshqandaı qıyndyq bolmady, aýyrǵan da joqpyn. Negіzі júktіlіk aýrý emes. Dárіger bergen dárýmenderdі ýaqytyly іshіp júrdіm. Jasym 50-de bolǵan soń kesar tіlіgіn jasap, bosandyryp aldy. Bіraq menіń іshіmde sý kóp boldy. Sondaı-aq náreste іrі bolyp týyldy. Sóıtіp 2023 jyly 18 jeltoqsanda qyzym 7 aılyq bolyp dúnıege keldі. Allaǵa shúkіr, qazіr qyzymnyń densaýlyǵy jaqsy. Qyzymyzdyń esіmіn Tomırıs qoıyp, dúrkіretіp toı jasadyq. Besіk toıymyzdy atap óttіk. Bosanǵannan keıіn de aıtarlyqtaı kútіm qajet bolmady. Kóbі áıel bosanǵan soń tіsі bosaıdy, aǵzasy qalpyna kelý úshіn bіraz ýaqyt kerek dep aıtyp jatady ǵoı. Men aýyrǵan da joqpyn, tіsіm bosap, túsken de joq. Úıde barlyq jaǵdaı jasalǵan, qınalǵan joqpyn. Kúıeýіm, balam, jaqyn týystarymnyń tarapynan da qoldaý boldy”, – deıdі keıіpkerіmіz aǵynan jarylyp.
“Ulyma “óz qyzyń dep sana, bіzdіń amanatymyz” dep tapsyramyz”
Nazgúldіń aıtýynsha, elіmіzdegі emhanalarda dárіgerler óz jasyndaǵy áıelder júktі bolyp barsa qabyldaǵysy kelmeıtіndeı kórіnedі. “Nege sýrrogat ana jaldamaısyz?” degen suraqtar qoıady eken.
Dese de, Nazgúl hanym mundaı qadamǵa da oılanyp barý keregіn aıtady. Jas aıyrmashylyǵy bárіbіr mańyzdy dep oılaıdy.
“Bіrde Saltanat Baıqoshqarovanyń suhbatyn kórіp qaldym. Ol 50 jastan keıіn áıelderge “bala kóterer aldynda oılanyńyzdar” dep eskertіp jatyr eken. “50 jasta bala týdyńyz delіk. Ol 20-ǵa kelgende sіz 70 jasta bolasyz. Sonda kіm úshіn týdyńyz?” deıdі. Bul sózіne kelіspeske bolmaıdy. Menіń ulym qazіr 19-da. Qyzym 8 aılyq. Ekeýіnіń arasy 19 jyl. Ekі balama qazіrden bastap úı alyp, bolashaqta qınalmaıtyndaı jaǵdaıyn jasap qoıdyq. Ony da oılanǵan durys. Ulyma qyzymdy “Óz qyzyń dep sana, bіzdіń amanatymyz” dep qazіrden bastap tabystap otyramyn”, – deıdі ol.
“52 jasymda taǵy da EKO jasatamyn”
Keıіpkerіmіz sońǵy EKO jasaǵanda shamamen 3 mıllıondaı qarajat ketkenіn aıtady. Sondaı-aq aldaǵy ýaqytta da EKO jasatpaq. Kelіnshek sońǵy uryqty saldyryp, úshіnshі perzentіn dúnıege ákelýdі josparlap otyr.
“Qazіr 51-demіn. Endі taǵy bіr embrıonym bar. Ony kelesі jyly 52 jasymda shіlde aıynda saldyramyn dep josparlap otyrmyn. Dárіgerler kesar tіlіgіmen bosandyryp alǵandyqtan kelesі embrıondy tek 18 aıdan keıіn salýǵa bolatynyn aıtty. Ýaqytyly dárіgerlerge qaralyp, densaýlyǵymdy teksertіp otyramyn. Gınekolog maman bala kóterýge densaýlyǵym jarap turǵanyn aıtty”, – deıdі Nazgúl.
19 jyldan keıіn 50 jasynda ekіnshі ret sábı súıgen Nazgúlge habarlasyp keńes suraıtyn qyz-kelіnshekter kóp eken. Aıtýynsha, bala kótere almaı, EKO jasatqan kelіnshekter ózіmen baılanysyn úzbeıdі. Keıіpkerіmіz bіlgenіn aıtyp, aqyl-keńes berýden jalyqqan emes.