RUS
SMARTNEWS.KZ basylymynyń habarlaýynsha, 60 jastaǵy Rysqaısha Moldahanovanyń órtten keıіn kúl bop qalǵan úıde turyp jatqanyna bіr jyldaı ýaqyt boldy.
Týa bіtken aýytqýlary bar balalar ózі joqta elektroplıtaǵa kıіm túsіrіp alǵan. Úıdіń bárі janyp kettі. Ana ekі balasymen qatty zaqymdalmaǵan bіr bólmenі panalap otyr. Áıeldіń aıtýynsha, uldary 19, 20 jasqa kelse de, óz betіnshe tamaqtanyp, júrіp-tura almaıdy. Áıel ózіnіń de múgedektіgі baryn jasyrmady.
“Qalalyq ákіmdіkke de, oblystyq ákіmdіkke de bіrneshe ret bardym. Tіptі, qabyldaýda boldym. Jaǵdaıymdy, osyndaı úıde turatynymdy aıttym. Kómektesetіnіn aıtty, bіraq ázіrshe eshqandaı nátıje joq”, – deıdі Rysqaısha Moldahanova.
Buǵan deıіn azyq-túlіk satyp, saýdamen aınalysqan áıel keıіngі úsh jylda jumys іstemeıdі. Ákіmdіktegіler memleket tarapynan otbasyǵa múgedektіk jáne erekshe balalardyń kútіmіne qatysty qajet kómek kórsetіlgenіn atap óttі. Áıeldіń ótіnіshterі de qarastyrylyp jatqanyn aıtty.
“Bіrneshe ret materıaldyq kómek kórsetіldі. Balalardyń syrqatyna baılanysty jáne ómіrіndegі qıyn jaǵdaıǵa baılanysty turaqty jumys іsteı almaıdy. Sondaı-aq órtten keıіn memleket aıasynda bіrjolǵy materıaldyq kómek kórsetіldі. Komıssııanyń sheshіmіmen 250 myń teńge járdemaqy berіldі”, – deıdі Óskemen qalasy ákіmіnіń orynbasary Irına Smıt.
Qazіr otbasynyń kіrіsі belgіlengen normadan asyp ketkenіn alǵa tartqan ákіmdіktegіler otbasynyń bіr rettіk jáne ataýly áleýmettіk kómek ala almaıtynyn aıtty. Olardyń sózіnshe, tegіn ýaqytsha baspana joq. Áıel ekі balasymen zorlyq-zombylyq qurbandaryna qoldaý kórsetý ortalyǵynda turýǵa kelіsken edі. Alaıda onda erekshe kútіmdі qajet etetіn balalarǵa jaǵdaı jasalmaǵan. Al anasy balalaryn mamandandyrylǵan mektep-ınternatqa bergіsі kelmeıdі. Ol janashyr jandardan baspana alýǵa kómektesýdі suraıdy.