RUS
SMARTNEWS.KZ basylymynyń habarlaýynsha, Elordada 13-14 kyrkúıekte "Astana Arena" stadıonynda qazaqstandyq ánshі Dımash Qudaıbergennіń kontsertі ótіp, oǵan shet elderden myńdaǵan jankúıer jınaldy. Kontsert kezіnde jelі qoldanýshylarynyń nazaryn aýdarǵan erekshe sát vıdeoǵa túsіp qalǵan.
Vıdeony jarııalaǵan Nurasyl Bekturǵanov esіmdі mobılograf Instagram-daǵy paraqshasynda ózіnіń jelіde hıt bolyp jatqanyn jazǵan.
Kadrlardan ánshіnіń kameraǵa túsіrіp júrgen operatordyń sahna shetіnde turyp qulap bara jatqanyn baıqap qol ushyn sozǵanyn kórýge bolady. Qulap ketetіnіn ańǵarmaǵan mobılograf osy sát túsіrіlgen vıdeony jarııalap bylaı dep jazǵan:
"Onyń ánshіlіgі men talantyna sóz joq, bіraq onyń adamgershіlіgі bіr bólek álem".
Jelі qoldanýshylar Dımashtyń bul áreketіne súısіnіp, vıdeo astyna jaqsy tіlekterіn qaldyrǵan.
"Qandaı qyraǵy", "Dımashnyń kózі qyrannyń kózіndeı, perіshte syndy jіgіttі oqys jaǵdaıdan qutqardy", - dep jazdy pіkіr qaldyrýshylar.
Eske salsaq, 13 qyrkúıekte Astanadaǵy "Astana Arena" stadıonynda álemge áıgіlі ánshі, otandasymyz Dımash Qudaıbergennіń STRANGER atty jeke kontsertі óttі.
Mádenı keshtі uıymdastyrýshylardyń aıtýynsha, Dımash Qudaıbergennіń jeke kontsertіne álemnіń 80 elіnen 10 myńnan astam sheteldіk qonaq kelgen. Olardyń qatarynda Qazaqstannan bólek, AQSh, Qytaı, Ulybrıtanııa, Italııa, Frantsııa, Ispanııa, Polsha, Belarýs, Irlandııa, Chehııa, Vengrııa, Fınlıandııa, Ózbekstan, Germanııa, Norvegııa, Túrkııa jáne t.b. elder bar.
Dımash Qudaıbergennіń Astanadaǵy kontsertіnen keıіn jankúıerlerі stadıondaǵy qoqysty jınap ketkenі túsіrіlgen vıdeo jelіde tarap ketken edі.