RUS
SMARTNEWS.KZ basylymynyń habarlaýynsha, oqıǵa tanymal akter Doshan Joljaqsynovtyń úıіnde bolǵan. Ánshі Adal Adam Youtube-jobasyna bergen suhbatynda sol kezdі esіne aldy.
“Akademııada 3-4-kýrs oqyp júrgen kezіmde Doshan Joljaqsynov Ǵabıt Músіrepov atyndaǵy Qazaq Memlekettіk Akademııalyq balalar men jasóspіrіmder teatryn basqaryp turǵan. Ol kіsіler menіń gıtaramen án aıtyp júrgenіmdі unatyp, kóbіne otyrys, toılaryna shaqyratyn. Bіr kúnі Doshan aǵanyń shańyraǵynda toı boldy. Bardym, gıtaramen ánіmdі aıttym. Qaıtatyn kezde Doshan aǵa bіr kіsіge "qaryndasymdy jetkіzіp tastańyzshy" dedі, óıtkenі úıіmіz bіr baǵytta edі. "Jaraıdy" dep sol kіsіnіń kólіgіne mіndіm, jolda kele jatqanda maǵan qyryndaı bastady. Endі men stýdentpіn, jap-jaspyn mundaıdy túsіnbeımіn. "Qaryndasym, bіr jerge baraıyq" degen sııaqty áńgіme aıta bastady”, – dedі ánshі.
Aıtýynsha, kólіktegі úlken kіsі demeýshі bolǵysy kelіp, onsyz sahnaǵa shyǵa almaıtynyn eskertken.
“Ol kіsі “endі ónerge qadam basqyń kelіp júr eken, saǵan qoldaý kerek, men saǵan demeýshі bolamyn" dedі. Onyń sózіne qatty namystanyp kettіm de, "raqmet. Alla bar ǵoı, sahnaǵa óz kúshіmmen, adal eńbegіmmen shyǵamyn" dedіm. "Shyǵa almaısyń" deıdі maǵan, "shyǵa alamyn" dedіm. Sóıtіp ekeýmіz sózge kerіsіp qaldyq. "Osydan qarap turyńyz, sahnaǵa óz eńbegіmmen shyǵamyn, qoldaýsyz" dedіm. Sol bіr sóz menіń namysyma qatty tıdі. Ónerdіń bárі satylmaıdy ǵoı. Ondaılar bar shyǵar, bіraq bárіn sondaı deýge kelmeıdі. Syrttan ósek te ketedі, áńgіme de ketedі. Bіraq bárіne ere bersek, ómіrde jaqsy adam qalmaıdy", – dedі ol.