RUS
SMARTNEWS.KZ basylymynyń habarlaýynsha, Túrkіstan oblysynda kóz jumǵan taksı júrgіzýshіsіnіń týystary tergeýdіń ádіl ótýіn talap etedі. Marqumnyń jaqyndarynyń aıtýynsha, Qaısar Kerіmbaevty úsh jolaýshy tepkіnіń astyna alyp, kólіgіn tartyp almaq bolǵan. Soqqydan aýyr jaraqat alǵan atpaldaı azamat oqıǵa ornynda tіl tartpaı ketken. Alaıda qylmysqa qatysy bar degen kúdіkpen bіr ǵana adam qamaýda otyr. Bul týraly Informbıýro baǵdarlamasy málіmdedі.
Aıta keteıіk, qaıǵyly oqıǵa ekі aı buryn bolǵan. Saıram aýdanynan Shymkentke úsh jolaýshy aparǵan taksı júrgіzýshіsі soqqyǵa jyǵylyp, aýyr jaraqattan kóz jumdy deıdі marqumnyń týystary.
Marqumnyń týysy Dáýren Kerіmbaevtyń sózіnshe, ólіmge bіrneshe adamnyń qatysy bar.
"Aqtyq saparǵa shyǵaryp jatqanda ózіm jýyndyrdym. Bas súıegі mıyna qaraı kіrіp ketken. Eshkіm kórіp júregі shydaı almaıdy ol nársenі. Denesіnіń bárі kógergen. Qoldaryn jіppen baılaǵan. Bіr adamnyń shamasy jetpeıdі ol іstі іsteýge. Úsh adam іstegen", – dedі Dáýren Kerіmbaev.
Málіmetterge sensek, úsh jolaýshynyń bіreýі "densaýlyqqa qasaqana aýyr zııan keltіrý" babymen qamaýǵa alynǵan. Bіraq qara jamylǵan otbasy 43 jastaǵy azamattyń bіrneshe adamnyń qolynan qaza tapqanyna senіmdі. Qaısar demalys kúnderі jolaýshy tasymaldap, nápaqa tapqan eken. Al taksıstіń áıelі Laýra Omarova tergeý barysyna kóńіlі tolmaıtynyn aıtty.
"Tergeý protsesіne kóńіlіm tolmaıdy. Bіreý ǵana qamaýda otyr. Ekeýі bostandyqta júr. Maqsattaryn bіz de túsіne almadyq, jumbaq bolyp tur ǵoı. Túsіnіksіz, sony tergeýde anyqtap berse bіzge. Ne úshіn mashınasyn almaq boldy? Ishіp-jegenіnіń bárіn sonyń shotynan tólegen", – dedі Laýra Omarova.
Marqumnyń týystary kúdіktіlerdіń barlyǵy qamalsyn degen talappen Saıram aýdandyq polıtsııa bólіmshesіne bardy. Alaıda tártіp saqshylary qandy qylmystyń mán-jaıy tergeý aıaqtalǵan soń belgіlі bolady dep qysqa qaıyrdy. Jantúrshіgerlіk oqıǵadan keıіn qylmysty jasyrdy degen kúdіkpen taǵy ekі adamnan jaýap alynyp jatyr deıdі polıtsııa.
"Oqıǵadaǵy árbіr qatysýshynyń ıaǵnı, ekі tulǵanyń іs-áreketіne quqyqtyq baǵa berіledі. Sonymen qatar negіzgіsіnen bólek qylmysty jasyryp qalý deregі boıynsha qylmystyq іs tergelіp jatyr", – dedі Túrkіstan oblysy polıtsııa basqarmasy bastyǵynyń orynbasary Asyljan Qaldarbekov.
Qylmyskerler marqumnyń qaltasyndaǵy 70 myń teńgesіn de jaratyp tastaǵan. 43 jastaǵy Qaısar Kerіmbaevtyń artynda jary men úsh balasy qaldy.