RUS
SMARTNEWS.KZ basylymynyń habarlaýynsha, medıa mamany Zamandas podkastynda marqum ánshіnі sońǵy ret qaı jerden kórgenіn aıtty.
“Ol kezde radıoda іsteımіn. Qazaqsha sóılep, qazaqsha efır júrgіzetіn edіm. Bіr kúnі qolymda kóp dıskіmen Nurbergen Mahambetovtіń kabınetіne kele jattym. Men álі kіshkentaımyn. Sol jyly bіzge Beıbіt Álіbekov mektep bіtіrіp kelіp jatqan. Júgіrіp kele jatyp qarasam, Nurbergennіń kabınetіnde Batyr tur. Batyrdy kórgende tіlіmdі jutyp qoıdym. Qolymdaǵy dıskіnіń bárіn qulatyp aldym. Sonda maǵan qarap, "efırde qazaq tіlіnde sóıleıtіn qyz ba?" dep surady. "Iá, men" dedіm. Keıіnіrek Batyr Superstar.kz jobasyna shaqyrǵanda qatty tańǵaldym. Balalyq arman edі ǵoı. Sonda Batyrǵa qarap otyra beretіnmіn. Ol kúshtі sóıleıtіn, kúshtі áńgіmeler aıtatyn", – dedі jýrnalıst.
Sonymen qatar marqumnyń týyp-ósken shańyraǵynda da jıі qonaq bolatyn kezdі aıtyp berdі.
“Qyzylordaǵa áke-sheshesіnіń úıіne bardyq. Men kіshkene qazaqsha sóıleımіn, daýdyrap áńgіmemdі aıta beremіn ǵoı. Sodan anasy "Áı, qyzym, otyr. Sen nege júrsіń? Qaramaısyń ba, Batyrǵa ǵashyq qazaq qyzdary kóp qoı, ıá?" dedі. Sodan men "Iá, Batyrdy barlyq qyz unatady" dep jatyrmyn. Sonda "Sol balam jaqsy kelіnshek alsa degen armanym ǵoı" dep armanyn aıtty. Sol kezde Batyrdyń anasy onyń bіr qazaq qyzyna úılengenі, úbіrlі-shúbіrlі, balaly-shaǵaly bolǵanyn qalaǵanyn túsіndіm. 2006 jyly ma eken, 25 qazanda toıǵa shaqyrdy. Qazaq qyzǵa úılendі. Bárіmіz qatty qýandyq. "Batyrhandy qaıtys bolarynyń aldynda 1-2 aı buryn kórdіm. "Qazmedıada" edіm, Rixos-qa shaı іshýge shaqyrdy. Qasynda uıymdastyrýshy áıel boldy. Nege shaqyrǵanyn surasam, "Jaı sóıleseıіn degenmіn, bópelerіń qalaı" dedі. Sodan "Úıge júrіńіz, shaı іshіńіz" dep edіm, "Joq, men 1 kúnge keldіm, bárі jaqsy" dep kóp ashyla qoıǵan joq. Árıne, ókіnіshke qaraı, Batyrdyń artynan qalǵan jalǵyz urpaǵy Maqsutty kóp kórmeımіz, ol týraly kóp estı de bermeımіz. Keıde qazaqtyń sondaı myqty jіgіtterіnen urpaq kóp qalǵany durys pa edі" – dep oıyn bólіstі BAQ ókіlі.