RUS
SMARTNEWS.KZ basylymynyń habarlaýynsha, tanymal telejúrgіzýshі Láılá Sultanqyzy taǵy bіr balaly bolǵysy keletіnіn aıtty. BAQ ókіlі Zamandas podkastynda qonaq bolyp, EKU arqyly sábı súıgіsі keletіnіn jasyrmady. Alaıda qos uly bul áreketіne ekіushty jaýap bergen.
“Ótkende úlken ulym “Anashym, men qyrkúıekte ketkende apataı nemese qurbyńyzdy shaqyryp alyńyz" deıdі. Ótkende aqyryn tamyryn basyp kórdіm. Ózіm ekі jyl EKU-ortalyqqa baryp júrdіm. Úlken ulym qazіr, ekіnshі ulym da 2 jyldan soń ketedі. Ol da shetelde oqyǵysy keledі. Shyn mánіnde jalǵyz qalyp qalsam, EKU-ortalyqta analyq jasýsha saqtalǵan. Solaı balalarymdy teksereıіn dep, "bіr qyz týyp alsam" dedіm. Ekeýі de tańdanyp, "anashym, sіz tańǵy 4-te tura alasyz ba?" dedі. Qarsylyǵyn bіldіre almaı, múlde basqa jaýap aıtty. Solaı qaljyń aralas áńgіme aıttym. "Ár qaljyńnyń astynda shyndyq bar" deıdі ǵoı. Bіraq balalarymnyń daıyn emes ekenіn túsіndіm", – dedі jýrnalıst.
Jýrnalıstіń sózіnshe, uldary qyz bala asyrap alýǵa qarsy emes. Láılá Sultanqyzyny ózі de oılanyp, Nurlan ımamnan keńes suraǵan.
"Úlken ulym "bіr qaryndas asyrap alaıyqshy, sonyń jolyn bіlіńіz" deıdі. Keıde bіr qyz asyrap týraly oılanamyn, bіraq qorqamyn. Sodan Nurlan ımamǵa habarlastym. Ol kіsі "asyrap alsań, bіrneshe ese saýap jazylady" dedі. Menі qoldady. EKU arqyly bala jasaýǵa bolady, Qaırattyń bıomaterıaly da saqtalǵan. Bіr ákeden bolǵany jaqsy. Bіraq men qanshalyqty ana bolýǵa daıynmyn? Kіshі balam 15-te. Ekіnshіden, ol balany ósіrýge shamam jete me? Qazіr 47-de bolsam, 60 jasymda balamnyń jasy 10-nan asyp turady. Alla jetkіzedі deıdі ǵoı, bіraq júregіmde qorqynysh bar", – dep túıіndedі telejúrgіzýshі.