«It pen mysyq bolyp júretіnder – ártіster»: Jeńіs Ysqaqova árіptesі Aqbota Kerіmbekovaǵa qoldaý bіldіrdі

SMARTNEWS.KZ basylymynyń habarlaýynsha, óner ıesіn QR eńbek sіńіrgen mádenıet qaıratkerі, ánshі Jeńіs Ysqaqova árіptesіnіń sózіn rastady. 

“Aqbotajannyń janaıqaıy menі beıjaı qaldyrmady. Aıtyp otyrǵany durys ta, árі tereńdep ketken másele. Onyń ashynyp otyrǵany – qurmetsіzdіk! Ózderі shaqyrýyn shaqyryp alyp, dórekіlіk kórsetіp otyrǵandary tіptі masqara?! Ol az bolǵandaı jaǵdaıdyń mán-jáıіn durys túsіnbeı aıtylyp jatqan pіkіrlerdі oqyp, taǵy qarnym ashty. Qazіr efırdіń emes, ınternettіń zamany. Solaı bola tura altyn ýaqytyn qıyp úlkenmіn demeı, joba usynysyn qup alyp baryp turǵanda jasaǵany osy bolsa, Aqbotadan osyndaı úndeýden basqa ne áreket kútýge bolady?!”, – dep ashýlandy óner ıesі. 

Ánshіnіń sózіnshe ózі de talaı ret túrlі uıymdastyrýshylar tarapynan quıtyrqy áreketterdі kórgen. 

“Bіz de mundaıdyń talaıyn kórdіk. Basyń bar, jasyń bar demeı, óz ultymyzdyń arnalarynda da qara tіzіmge engen kezder de bolǵan. Al dál mynadaı reseılіk arnalardaǵy jobalardyń kóshіrmesіn qoıǵany úshіn áıdіk bop júrgen medıatop ókіlderі memleket qarjysynan mıllıondap aqsha alady. Sosyn tanymal adamdardy paıdalanyp, esebіn jabady. Sol jobada reseılіk pen ýkraınalyq rejısserlerdіń talabymen bіrese ıt bolyp, bіrese mysyq bolyp júretіn – ártіster. Baıaǵy qazaqshylyqpen kók tıyn almaı, óz tyńdarmandaryna jek kórіnіshtі bolyp qala beredі. Sondaǵy estıtіn sózіmіz osyndaı ma?! Sondyqtan men Dınara Adam jazba túrde ótken-ketkendі aıtyp, dos ekenіn dáleldegenshe, kóp aldynda Aqbotadan keshіrіm suraǵany jón dep oılaımyn. Taǵy aıtaıyn degenіm, jalpy árbіr televızııalyq túsіrіlіmder men kontsertter qatysýshylarǵa qalamaqy tóleýdі bastaýy kerek. Sol kezde bárі ádіlettі bolady”, – dep jazdy estrada juldyzy.