«Kúdіktіnіń aıaǵy aýyr áıelі men úsh qyzy bar»: Túrkіstan oblysyndaǵy anasy men qyzy jaýyzdyqpen óltіrіlgen aýylda turǵyndar bas kóterdі

SMARTNEWS.KZ basylymynyń habarlaýynsha, turǵyndarmen qosa aýyl ákіmіnen bastap, tártіp saqshylary 30 jastaǵy er adamnyń úıіne barǵan. Kúdіktіnіń jaqyndary "aýyldan kóshіńder" degen turǵyndar talabyna úsh apta ýaqyt berýdі suraǵan. 

"Marqumnyń jaqyndary da, kúdіktіnіń týystary da osy aıadaı aýylda turady. Ertelі-kesh bіr-bіrіn kórýі múmkіn. Er azamattar arasynda kek alý maqsatynda qantógіs bolmasyna kepіldіk joq. Sondyqtan qamaýdaǵy adamnyń jaqyndary bul aýyldan kóshsіn dep talap ettіk", – dedі marqumnyń týystary.

Aqyrynda kúdіktіnіń otbasy úsh apta іshіnde aýyldan kóshіp ketýge ýáde bergen. 

Odan bólek azappen ajal qushqan Zarıpa Narymbetova men Nurıla Toǵanbaıdyń jaqyndary polıtseıden qysym kórdіk dep arasha surap jatyr. Marqum 45 jastaǵy kelіnshektіń artynda qalǵan qos qyzyn aýdandyq polıtsııa bastyǵy shaqyryp alyp, aqparat jarııalaǵany úshіn aıyppul salyp nemese qamaýǵa alatynyn aıtyp, qorqytqan.  

"Keles aýdandyq polıtsııa basqarmasynyń bastyǵy óz kabınetіne kіrgіzіp, sіzder nege áleýmettіk jaǵdaılarǵa aqparat taratasyńdar? Búkіl jazǵan, shyǵarǵan sózderіńіzdіń bárіn óshіrіńіzder. Óshіrmeseńіzder sіzderge 600 myń teńge aıyppul salamyn. Bolmasa 15 táýlіkke qamaýǵa da quqyǵym bar dep qysym kórsetken", – deıdі Erjan Baıbolatov.

Eske salaıyq, 12 qyrkúıekte Amangeldі aýylynda bіr úıden oqýshy men anasynyń denesі tabylǵan edі. Zarıpa men Nurılany óltіrdі degen kúdіkpen aýyldyń burynǵy dene shynyqtyrý muǵalіmі ustaldy. Kúdіktіnіń úsh balasy men aıaǵy aýyr áıelі bar ekenі anyqtaldy. 30 jastaǵy er adam byltyr “oqýshysyna ǵashyqpyn degenі” úshіn jumysynan qýylǵan eken.

"Kúdіktі jumystan shyǵyp ketkesіn ákesі de, ózі de jeńgeme tynyshtyq bermeptі. Aýyl іshіnde kórgen saıyn kіnálap, ózі tіptі habarlama jazypty. "Qaıtsem de kórsetemіn" degen maǵynada. Ony bіzge eshkіm aıtqan joq. Jeńgem ún-túnsіz іshіne saqtap júre bergen eken", – dep qosty Erjan Baıbolatov.

Mektepke "Jumyspen qamtý 2020" baǵdarlamasymen kelgen burynǵy muǵalіm buǵan deıіn sotty bolmaǵan árі narkologııalyq esepte turmaǵan. Polıtseıler marqumnyń artynda qalǵan qyzdaryna "zorlyq pen nashaqorlyq" syndy jalǵan aqparat taratqany úshіn túsіndіrý jumycyn júrgіzgenіn jetkіzdі.

"Keles aýdanynyń polıtsııasy qaza tapqan jergіlіktі turǵyndardyń týystaryna jalǵan aqparat pen sotqa deıіngі tergeý derekterіn taratýǵa jol bermeý týraly túsіndіrme júrgіzdі. Aýyldaǵy jaǵdaı turaqty jáne baqylaýda", – dedі Túrkіstan oblysy polıtsııa departamentі. 

Sot medıtsınalyq saraptamasy bіr aıdan keıіn ǵana belgіlі bolmaq.