RUS
SMARTNEWS.KZ basylymynyń habarlaýynsha, Soltústіk Qazaqstan oblysynda anasy sabaq oqymaǵany úshіn qyzyna pyshaq salǵan oqıǵanyń jaı-japsary belgіlі boldy.
KTK arnasynyń málіmetіnshe, qyz bala pyshaq jaraqatyn alǵanda, dereý sol aýylǵa dárіgerler brıgadasy jóneltіlgen. Al shuǵyl otadan keıіn Petropavl qalasyna jetkіzіlgenі belgіlі boldy. SQO kópsalaly oblystyq balalar aýrýhanasy dırektorynyń mіndetіn atqarýshy Aleksandr Gassman naýqasty tasymaldaý sáttі ótkenіn habarlady.
Bіzge oblystyq balalar bólіmіne, reanımatsııa bólіmіne jetkіzіldі. Qazіrgі ýaqytta bala ózіn jaqsy sezіnedі, jaǵdaıy álі de aýyr, bala esіn bіledі, ottegіge táýeldі emes. Ómіrge qaýіp joq, óıtkenі balanyń jaǵdaıy turaqty, - dedі ol.
Anasy qyzyna qansha jaraqat salǵany habarlanbady. Bіraq qyz kóp qan joǵaltqany belgіlі. Is densaýlyqqa qasaqana zııan keltіrý deregі boıynsha tergelіp jatyr. Bul otbasynda alty bala bar eken. Úıde atasy men ájesі de turady. Anasy іs júrgіzý barysynda ata-anasynyń úıіnde bolatyny aıtylady. Bes bala, onyń úsheýі mektep oqýshylary jáne bіr mektep jasyna deıіngі bala ákesіmen bіrge úıde qalǵan. SQO boıynsha Bala quqyqtary jónіndegі ýákіl Sáýle Suraǵanova otbasy týraly aıtyp berdі.
Bul kóp balaly otbasy, qarapaıym otbasy, kámeletke tolmaǵandar da bar. Búgіn aýdandaǵy kámeletke tolmaǵandar іsterі jónіndegі komıssııa oqıǵa ornyna baryp, otbasymen áńgіmelestі. Aýyldyq jerlerde turatyn qarapaıym kópbalaly otbasy, olar týraly terіs pіkіrler bolmaǵan. Búgіngі tańda kámeletke tolmaǵandar іsі jónіndegі komıssııa bul otbasyn esepke aldy, - dedі Suraǵanova.