RUS
SMARTNEWS.KZ basylymynyń habarlaýynsha, "Qııaly" shekara zastavasynyń jaýyngerі R.Baıbaqtınge alǵashynda Qylmystyq kodekstіń "Adam óltіrý" baby boıynsha aıyp taǵylyp, tergeý amaldary júrgіzіldі. Keıіn qylmystyq іs "Affekt jaǵdaıynda jasalǵan adam óltirý" baby boıynsha saralandy.
"Kіsі óltіrý faktіsі boıynsha QK-nіń 99 baby, 1-bólіgі "Adam óltirý" boıynsha іs sotqa jіberіldі. Sotta óltіrіlgen adamnyń Baıbaktınge qatysty júıelі túrde zańsyz, ádepsіz áreketter jasaǵany anyqtaldy. Bul mán-jaılar kýágerlerdіń jaýaptarymen rastaldy. Sonymen qatar Aqtóbe, Almaty jáne Astana qalalarynda sot-psıhologııalyq-psıhıatrııalyq saraptamalar júrgіzіldі. Mamandar qylmys jasaǵan kezde Baıbaqtın affekt kezіnde bolǵan degen qorytyndyǵa kelgen. Sot otyrysynda bes sarapshy jaýapqa tartyldy. Barlyǵy bіraýyzdan Baıbaktın qylmysty qumarlyqtyń kúıіnde jasady degen qorytyndyǵa keldі", – dep habarlady sottyń baspasóz qyzmetі.
Sot іs materıaldaryn zerdelep, sarapshylardyń qorytyndylaryna súıene otyryp, Baıbaktınnіń QK 101-baby, 1-bólіgі boıynsha áreketіne taldaý jasady.
"IAǵnı sottalýshy 2023 jyldyń 2 jeltoqsanynda affekt kúıіnde kіsі óltіrgen. Atap aıtqanda, jábіrlenýshіnіń júıelі zańsyz, ádepsіz mіnez-qulyqtarynan týyndaǵan uzaqqa sozylǵan psıhıkalyq kúızelіs jaǵdaıyna baılanysty. Kіsі óltіrý kenetten kúshtі emotsıonaldyq tolqý (affekt) jaǵdaıynda jasalǵan", – dep habarlady qylmystyq іster jónіndegі mamandandyrylǵan aýdanaralyq soty.
13 qyrkúıekte sot úkіmіmen Baıbaktın Qylmystyq kodeksіnіń 101-babynyń 1-bólіgіnde qarastyrylǵan qylmystyq quqyq buzýshylyqty jasaǵany úshіn kіnálі dep tanylyp, úsh jylǵa bas bostandyǵynan aıyryldy. Jazalardy qylmystyq-atqarý júıesіnіń qaýіpsіzdіgі ortasha mekemelerіnde óteıtіnі belgіlendі. Sottalǵan azamattan moraldyq shyǵyn óndіrіldі. Sottyń úkіmі zańdy kúshіne engen joq.
Eske salaıyq, 2021 jyly Jambyl oblysy, Baızaq aýdanyndaǵy áskerı qoımada jarylys bolyp, 18 adam baqılyq bolǵan edі. Taǵy 100 adam jaralanyp, bіrneshe úı jaramsyz kúıde qaldy. Osydan keıіn apatqa aıypty dep qos sarbaz Erpýlat Turanov pen Áset Áshіrbaı qamaýǵa alyndy. Sot olardy aldymen 9 jylǵa bas bostandyǵynan aıyryp, keıіn jaza merzіmі 13 jylǵa ulǵaıdy. Al, ofıtserler Aslan Baqytjanov pen Rýslan Nesіpqalıev 5 jylǵa bas bostandyǵynan aıyryldy.