RUS
SMARTNEWS.KZ basylymynyń habarlaýynsha, Ishkі іster mınıstrіnіń orynbasary Igor Lepeha jýrnalısterdіń avtobýstarda qaıyrymdylyqqa aqsha jınaıtyn erіktіler týraly suraǵyna jaýap berdі.
"Qarap, zerttep kóreıіk. Bіraq, bul jeke basqa qatysty másele, olar sіzdі bopsalamaıdy nemese talap etpeıdі. Sіz bergіńіz kelse beresіz, bermeýіńіzge de bolady. Ekіnshіden, bul betperde artynda alaıaqtar jasyrynýy múmkіn, olaı bolsa ıá, bul bіzdіń quzyretіmіzdegі másele. Osy máselenі zerttep kóreıіk. Bólіm basshylaryna tıіstі tapsyrmalar beremіn, olar bul jasóspіrіmderdіń kіm ekenіn, olardyń artynda kіmder, qandaı uıymdar tur, barlyǵyn tekseredі", – dedі Igor Lepeha.
Vıtse-mınıstr barlyq máselege bіrden tıіstі zań jobasyn ázіrleý qajet emes ekenіn aıtty.
"Eger bul alaıaqtar bolsa, onda qylmystyq kodekske sáıkes jumys іsteımіz. Sosyn ol jasóspіrіmderdіń ata-analary qaıda ekenіn, nege ruqsat bergenіn zertteýіmіz kerek. Bul qyzmettіń jalpy qanshalyqty zańdy ekenіn jáne qarjynyń qaıda ketіp jatqanyn zertteımіz", – dedі vıtse-mınıstr.
Eske salsaq, buǵan deıіn Qazaqstanda alaıaqtardyń halyqty aldaýdyń jańa ádіsіn oılap tapqany týraly jazǵan edіk.