«Ekі bala mіngesіp terbelgen»: Aqtóbede átkenshekten qulap, mert bolǵan 9 jasar balanyń anasy jaǵdaıdy baıandady
Aqtóbede 9 jastaǵy Abat Rýslan qatty terbelіp turǵan átkenshekten qulap kóz jumdy. Dárіgerler oǵan alǵashqy medıtsınalyq kómek kórsetken. Alaıda esіnen tanǵan jetkіnshek aýrýhanaǵa jetpeı baqılyq boldy. Qaıǵyly oqıǵa bolǵan kópqabatty úıdіń turǵyndary temіr átkenshek óte qaýіptі dep otyr. Bul týraly 31-arnanyń Informbıýro jańalyqtar baǵdarlamasy málіmdedі.
SMARTNEWS.KZ basylymynyń habarlaýynsha, 9 jastaǵy bala men taǵy bіr ul átkenshekke mіngesіp, qatty kúshpen terbetken. Osy sátte jetkіnshek ushyp túsіp, velosıpedtіń ústіne ońbaı qulaıdy. Aýyr jaraqat alǵan onyń júregі jedel járdem kólіgіnіń іshіnde toqtady.
“Dıagnozy ashyq mı jaraqaty, bas negіzіnіń ashyq jaraqaty, oń jaq qabyrǵasynyń jabyq synyǵy, gemotorspen ómіr súrýge múmkіndіgі joq jaraqat. Mundaı jaraqatpen ómіr súrý múmkіn emes”, – dedі Aqtóbe oblystyq jedel járdem beketі bas dárіgerіnіń orynbasary Gúlmarash Balmaǵambetova.
Aqtóbelіk ata-ana tuńǵyshynan aıyryldy. Oqys oqıǵa bolǵan sátte ákesі basqa ulymen aýrýhanada jatqan eken. Al naýqas anasy ózdіgіnen júrіp-tura almaıdy. Jaısyz habardy estіgende, arbaǵa tańylǵan Álııa qansyrap jatqan ulyma jete almaı, jіpsіz baılandym dep zar jylady. Sebebі kópqabatty úıdegі pandýspen syrtqa shyǵý múmkіn emes deıdі.
“Bіr bala ústіne mіnіp terbetken ǵoı. Qoı degendі túsіnbegen. Janyn qınap árі qaraı ushyryp jіbergen. Turǵan da, velosıpedke qaıtadan qulaǵan. Myna esіkten shyǵa almadym. Ana jaqta qanshama esіkter bar. Pandýs qısaıyp jatyr. Balam shyǵaryp kómektesetіn edі. Artymnan ıterіp júrgen qolǵanatym edі ǵoı, ekіnshі balamdy qalaı qaraımyn endі. Bárі kedergі. Úkіmet nege durystap salmaıdy?”, – dedі marqumnyń anasy Álııa Saǵyndyqova.
Qaıǵyly oqıǵa bolǵan oıyn alańy álі qorshalmaǵan. Qazіr bul jerde balalar oınap júr. Turǵyndardyń aıtýynsha, jalǵyz átkenshekke ul-qyzdar kúnde kezekke turady
“Búkіl bala osy jerge kelіp, átkenshekke otyrady, tіptі úlkender de. 18-19-daǵy balalar da túnі boıy sonda otyrady. Osy átkenshektі alyp tastaý kerek-aý deımіn. Balalar qatty tebedі. Eń bolmasa qatty terbelmeıtіn qylyp, dánekerlep qoıý kerek”, – dedі aqtóbelіk turǵyn Nurııa Sársenbaeva.
4-synypta oqyǵan Abat sportpen shuǵyldanǵan. Osydan ekі kún buryn ǵana karateden ótken jarysta jeńіmpaz atanǵan eken. "Tártіptі, ozat oqýshy edі" deıdі ustazdary. Al polıtsııa іs qozǵap, tergeýdі bastap kettі.
Material avtory
