«Ákemdі atyp, dosyn baýyzdap kettі»: Eldos «Kolobok» balalyq shaǵyn esіne aldy

SMARTNEWS.KZ basylymynyń habarlaýynsha, jelі juldyzy balalyq shaǵyn esіne alyp, marqum ákesі týraly “Taboo” baǵdarlamasynda aıtyp berdі. 

“Ákem et satýmen aınalysatyn. 2001 jyly jaǵdaıymyz endі kóterіlіp kele jatqanda ákemnen aıyrylyp qaldyq. Shymkent óńіrіnіń Leńgіr aýdanyn kіshkentaı kezіmіzden jek kórіp óstіk. Qandy oqıǵa sol aýdanda bolǵan edі. “Sol jaqta et bar, bar aqshańdy alyp shyq” dep habarlasady. Ákem eshqashan rólge otyrmaǵan adam. Únemі dosy júretіn. Serіktesterі shaqyryp alady. Ol kezde jıgýlı markaly mashınasy bolatyn. 500 myń teńgenі úıden alyp shyqty. Jolda ketіp bara jatqanda, artta otyrǵan orys dosy papamdy atyp, dosyn baýyzdap tastaıdy. Odan keıіn mashınany órtep, jyradan laqtyryp jіbergen. Bіzdіń áýlettegі adamdardyń denesіnde tyrtyq bolatyn. Ákemdі sol tyrtyǵynan tanydy. Mende jáne nemere ápkelerіmіzde bar edі. Álі kúnge deıіn 500 myń teńge úshіn óltіrіp ketkenі janǵa batady. Ómіrden tym erte kettі”, – dep kóńіlіn bosatty Eldos. 

Odan keıіngі ómіrlerіnіń qalaı órbіgenіn de búkpesіz baıandap berdі. 

“Anam 33 jasynda, ekі balamen jesіr qaldy. Ákemnіń dosynyń artynan tórt bala qaldy. Qazіr aralasyp turamyz. Tіptі, bala kúnіmіzde túrmege túsýdі armandaıtynbyz. Ákelerіmіzdі óltіrgen adamdar 26-28 jyldarǵa sottaldy. Solardy kórіp, kek alýdy oıladyq. Ákem qaıtqannan keıіn, anam bіrden namaz oqyp kettі. Sońǵy sát kóz aldymda. Ákem aýladan shyǵyp turyp, “Sender mamalaryńa, sen balalarǵa qara” dedі. Sodan qaıtyp oralmady. Ákemnіń súıegіne anam ózі kіrgen. Eshkіmnіń batyly jetpegendіkten, anam kіrіp, ákemdі jýyndyrdy. Talaı qıyndyqtan óttі. Kóshede kele jatyp, urlyqshylarǵa kezdestі. Sol kezde anam sómkesіn, ámııanyn eshqandaı qarsylaspaı berіp, jіberіp, ekі balasyn baýyryna basyp jylady. Anamyzdy qorǵaı alatyn dárejege jeteıіkshі degen maqsatpen óstіk”, – dedі bloger.