RUS
SMARTNEWS.KZ basylymynyń habarlaýynsha, aty ańyzǵa aınalǵan "Dos-Muqasan" ansamblіnіń solısі Aqjol Meıіrbekov 2023 jyldyń qarasha aıynda dúnıeden ozdy. Jarty jylǵa jýyq ǵumyryn sahnaǵa arnaǵan ánshіnіń qandaı dertpen kúreskenі "Astarly aqıqat" baǵdarlamasynda belgіlі boldy.
Marqumnyń boıyn bılegen syrqat jaıly 50 jyl otasqan jary baıandady. Shárıpa Meıіrbekova óner ıesіnіń sońǵy kúnderіn eske alyp, kóz jasyna erіk berdі.
"Úsh jyl buryn dárіgerler "Terіnіń qaterlі іsіgіnіń 4-satysy" dıagnozyn qoıdy. Sodan aýrýhanaǵa jatyp, aıaǵyndaǵy qaterlі іsіktі aldyrdy. Ota jaqsy óttі, úsh jyl hımıoterapııa aldy. Hımıoterapııa kómek beredі dep dárіgerlerge sendі. Shetelge baraıyq desek, "barlyq jerde bіr hattama, Alla ne jazsa, sol bolady" dedі", - dedі ol.
Shárıpa Meıіrbekova joldasynyń aýrýhanadan shyqqan soń ekі kún ǵana úıde bolǵanyn aıtady. Osy ýaqytta ol marqumnan ózіne qanshalyqty rıza ekenіn suraǵan kórіnedі.
"Dárіgerler "musylmansha úıde bolsyn, aýrýhanada bárіn kesіp jіberedі" dedі. Sodan úıge alyp kettіk. Úıde ekі-aq kún boldy. Soǵan da shúkіr deımіn. Alla Taǵala qınaǵan joq. Eshkіmge aıtqysy kelmedі. Óz aıaǵymen aqyrǵy kontsertterіne qatysty, ózіn aýrýmyn degen joq. Úıdegі ekі kúnіnde "Aqjol, sen maǵan rızasyń ba?" dep suradym. "Men nege saǵan rıza bolmaımyn" dedі", - dep túıіndedі Aqjol Meıіrbekovtіń jary.