RUS
SMARTNEWS.KZ basylymynyń habarlaýynsha, oqıǵa Ǵabıt Músіrepov aýdanynda bolǵan.
25 jastaǵy áıel jergіlіktі aýrýhanaǵa qan ketýіne baılanysty shaǵymmen júgіngen. Dárіgerler tekserý barysynda naýqastyń bala bosanǵanyn anyqtap, polıtsııaǵa habarlaǵan. Polıtsııa áıeldіń sábıdі garajda bosanyp, sol jerdegі qorapqa salyp ketkenіn anyqtady.
Náreste shuǵyl túrde aýrýhanaǵa jatqyzylǵan.
"Bala perınataldyq ortalyqta jatyr, qazіr jaǵdaıy turaqty, dárіgerlerdіń baqylaýynda. Áıel aýdandyq aýrýhanada jatyr. Jaǵdaıy qanaǵattanarlyq", – delіngen oblystyq densaýlyq saqtaý basqarmasynyń habarlamasynda.
Oblystyq polıtsııa departamentі atalǵan faktіge baılanysty qylmystyq іs qozǵalǵanyn málіmdedі.
"25 jastaǵy áıel Ǵabıt Músіrepov atyndaǵy ortalyq aýdandyq aýrýhanaǵa jatqyzyldy. Aldyn ala málіmet boıynsha, áıeldіń garajda bala bosanǵany anyqtaldy. Bul faktі boıynsha “qaýipti jaǵdaıda qaldyrý” babymen sotqa deıіngі tergeý bastaldy. Tergeý amaldary júrgіzіlýde", – delіngen polıtsııa habarlamasynda.
Aıta keteıіk, atalmysh bap boıynsha 100 aılyq eseptik kórsetkishke deıіngі mólsherde aıyppul salý ne sol mólsherde túzeý jumystaryna tartý nemese qyryq bes táýlіkke deıіngі merzіmge qamaýǵa alý jazasy qarastyrylǵan.