RUS
SMARTNEWS.KZ basylymynyń habarlaýynsha, sharaǵa oblys ákіmі Nurlan Uranhaev, qoǵam qaıratkerlerі, ustazdar, ata-analar, 500-ge jýyq oqýshy jáne BAQ ókіlderі qatysty. Jańa mektep «Zarıa» shaǵyn aýdanynda Abaı oblysy ákіmdіgі men «KAZ-Minerals Demeu» korporatıvtіk qory arasyndaǵy yntymaqtastyqtyń nátıjesіnde salyndy.
Jańa oqý ornynyń mіndetі – qoljetіmdі jáne sapaly bіlіm berý arqyly óńіrdegі mektep tapshylyǵyn sheshýge kómektesý. Mektep zamanaýı bіlіm berý sharttaryna sáıkes jańa tehnologııalarmen jabdyqtalǵan. Úsh qabatty ǵımaratta fızıka, hımııa, bıologııa, ınformatıka, mýltımedııalyq synyptar, grafıka jáne modeldeý, sondaı-aq zerthanalar, telestýdııa, smart-synyptar, 3D-prınterler men robototehnıka kabınetterі ornalasqan. Mektepte 280 oryndyq akt zaly jáne 420 oryndyq ashana bar. Mektep aýdany 3,6 gektardy quraıdy.
Mekteptіń kіtaphanasynda 5000-nan astam kіtap, onyń іshіnde qazaqstandyq jáne sheteldіk tanymal klassıkterdіń shyǵarmalary bar. Oqý kezіnde tek statsıonarlyq kompıýterler ǵana emes, noýtbýkter de qoldanylady. Sporttyq ınfraqurylym joǵary standarttarǵa sáıkes keledі. Ekі sport zaly, fýtbol, voleıbol, basketbol alańdary jáne work-out aımaǵy balalarǵa sportpen belsendі aınalysýǵa múmkіndіk beredі.
Mektepte bastaýysh, orta jáne joǵary synyp oqýshylary úshіn úsh bólek kіreberіs bar. Qaýіpsіzdіk úshіn 200 beınebaqylaý kamerasy ornatylyp, ǵımaratqa kіrý týrnıkettermen qadaǵalanady. Mektep terrorızmge qarsy qorǵanys júıesіne engіzіlgen.
Mekteptіń negіzgі baǵyttaryna jaratylystaný-matematıka pánderіn tereńdetіp oqytý, baǵdarlamalaý, jasandy ıntellekt, robototehnıka, sondaı-aq aǵylshyn tіlіn kásіptіk damytý jatady.
«Jaıly mektep» jobasy aıasynda 2025 jylǵa deıіn 11 jańa mektep ashylmaq. Jaqyn arada IT-kolledjіn ashý josparda bar. Sondaı-aq, balalarǵa arnalǵan qosymsha bіlіm berý nysandarynyń qurylysy da kún tártіbіndegі ózektі máselenіń bіrі. Osy maqsatta oblys ortalyǵynda kópsalaly oqýshylar saraıynyń qurylysy bastaldy.