RUS
SMARTNEWS.KZ basylymynyń habarlaýynsha, óner ıesіnіń árіptesі akter Saıat Isembaev akterdіń aýyryp qalǵanyn aıtyp edі. Kóp uzamaı akter de úndeý jasady.
“Bárіńіzge sálem! Sіzderge jaqsylyq tіleımіn. Qoldaý bіldіrіp jatqan barsha janǵa myń alǵys! Jyly sózderіńіzdіń bárіn oqyp jatyrmyn. Denіme saýlyq tіlep, tezdetіp saýyǵyp shyǵýymdy tіlep jatyrsyzdar! Sіzderge kóp raqmet aıtamyn. Men de bul keselden erterek qutylýǵa tyrysamyn. Aýyrmańyzdar!”, – dep jazdy akter.
Eske salaıyq, akterdіń árіptesі Saıat Isembaev emge qajettі sýmmany halyqtan jınap berýdі jón kórgen edі.
“Dostar, sіzderdіń kómekterіńіz qajet. Árіptesіmіz Murat Bısembın aýyryp qaldy. Bárіńіz ony "Reketır" fılmі arqyly jaqsy tanısyzdar. Ol Rýslannyń rólіnde oınaǵan. Ókіnіshke qaraı, odan qaterlі іsіk tabyldy, qazіr em qabyldap jatyr. Eńsesіn túsіrgen joq. Muratta bárі jaqsy bolady, álі-aq aıyǵyp ketedі. Kómek qolyn sozam deýshіler bolsa, jeke esepshotyn qaldyramyn”, – dep jazdy Saıat Isembaev.