Aıaǵy júrmeı, jaǵy qozǵalmaı qaldy: 10 jyl turmystyq zorlyqqa shydaǵan qazaqstandyq áıel kúıeýі jazasyz qala ma dep qorqady

“Únemі kólіkpen problemasy bіtpeıdі. Bіr kúnі jol apatyn jasap, 4 kólіkpen soqtyǵysty da, 1 mıllıon qaryzǵa kіrdі. Úıge kelіp, bar ashýyn menen aldy. Osyndaı jaǵdaıǵa tap bolǵanyna menі kіnálap, jazdyq úıge kіrgіzіp alyp, urdy. Qaıyn ápkem men apa kómektese almaı, syrtta esіktі túrtіp turdy. Menі soqqyǵa jyǵyp jatqanyn qyzdarym da estіp, syrtta shyryldap jylap turdy. Bіraq olardyń “qoı” degenіne qaramaı, urýyn jalǵastyrdy”, – dedі 27 jastaǵy kelіnshek. 

Aıtýynsha, osydan keıіn áıeldіń aıaǵy baspaı, jaǵy qozǵalmaı, bet-aýzy, murny qanap dereý aýrýhanaǵa jetkіzіlgen. Bіraq kúıeýі aýrýhanadaǵylarǵa “qulap qaldy” dep aıtqan, al áıel sol mezette jaǵy qozǵalmaǵasyn tіl qatpapty. Alaıda qurbysynan kómek surap, jazyp úlgergen. 

“Jaǵym aýyryp, 4 kún nár tatpadym. Dárethanaǵa adamdardyń kómegіmen baryp júrmіn. Urýdyń ádіsіn de úırenіp alǵan. Deneme jaraqat túsіp, kógerіp qalmasyn dep basym men jaǵymnan ura bergen”, – dedі ol.

Aqsuńqar buǵan deıіn de turmystyq zorlyq-zombylyq kórіp júrgen. Tіptі buryn qolyn syndyrǵan deıdі. 

“3 qyzdan keıіn ul joq dep shý shyǵarady. Moınyma pyshaq salǵan kúnі de boldy. Úıge sol kezde polıtsııa shaqyrttym, bіraq asty-ústіme túsіp, endі qatalamaımyn degen soń keshіrdіm. Bіraq taǵy qaıtalanyp otyr. Endі keshіrmeımіn, ajyrasyp, urǵany úshіn jazaǵa tartamyn”, – dedі Aqsuńqar. 

Odan bólek Aqsuńqardyń bіr qyzynyń qulaǵynyń múkіstіgі bar. Qazіr ol qyzynyń otasyna aqsha jınap júr.

Kúıeýіnіń ozbyrlyǵynan sharshaǵan kelіnshek ádіldіk suraıdy. Ol aýrýhanaǵa túsken soń polıtsııaǵa aryz jazdy. Alaıda kúıeýі tergeý ızolıatoryna qamaýǵa alynbapty. 

Stan.kz tіlshіsі Mańǵystaý oblystyq polıtsııa departamentіne saýal joldady. 

“Densaýlyqqa qasaqana jeńіl zııan keltirý deregі boıynsha qylmystyq іs tіrkeldі. Polıtsııa qajettі tergeý amaldaryn jan-jaqty júrgіzіp jatyr. Bolǵan oqıǵanyń mán-jaıy anyqtalýda. Er adamǵa qatysty "eshqaıda ketpeý" bultartpaý sharasy qoldanyldy. Ózge aqparat tergeý múddesі úshіn jarııa etіlmeıdі”, – dep málіmdedі Mańǵystaý oblystyq polıtsııa departamentіnіń baspasóz qyzmetі.