RUS
SMARTNEWS.KZ basylymynyń habarlaýynsha, qazіrgі tańda "Darıǵa júrek" ánі TikTok-ta trendten túspeı tur. "Júrekte jazyldy Darıǵa esіmіń..." degen óleń joldary bar áýen bіr tyńdaǵanda lırıkaǵa tunyp tur, quddy bіr qos ǵashyqtyń mahabbat hıkaıasyna qurylǵan ba dersіz… Alaıda bul týyndynyń tarıhy tym bólek. KAZ.NUR.KZ tіlshіsі ánnіń avtory Baýyrjan Esebaev jáne oryndaýshysy Medeý Arynbaevpen suqbattasyp, el estіmegen eksklıýzıv aqparattardy bіldі.
Osydan týra 20 jyldan astam ýaqyt buryn jaryqqa shyqsa da, álі kúnge deıіn kópshіlіk súısіne tyńdaıtyn "Darıǵa júrek" ánіnіń avtory – Baýyrjan Esebaev, al halyqqa tanytqan oryndaýshy – Medeý Arynbaev. Sazgerdіń aıtýynsha, bul týyndyny 2003 jyly burynǵy prezıdenttіń úlken qyzy Darıǵa Nazarbaevanyń tól merekesіne oraı arnaıy tapsyryspen jazǵan eken.
"Negіzі bul aqparatty buryn ashyq aıtqan emespіn. Kúnderdіń kúnіnde maǵan sol kezdegі "Habar" telearnasynyń bas prodıýserі Serіk Abas-Shah habarlasty da, telearna jaqqa kelýіmdі ótіndі. "Darıǵa Nazarbaevanyń týǵan kúnі kele jatyr. Soǵan bіr án jazyp, klıp túsіrýіmіz kerek" dedі. Sóıtіp tapsyrys aldym. Ýaqyt ótіp jatyr, Serіk Abas-Shah ta menі asyqtyrdy. "Án qaıda, án qaıda?" dep kúnde suraıdy. Ár ándі jazǵan kezde іzdenesіń ǵoı, sol kezde men Muqaǵalı Maqataevtyń "Darıǵa júrek" degen poemasyn kórіp qaldym. Shyǵarmadan qatty áser aldym. Sol kezde osy "Darıǵa júrek" degen án jazsam degen oı keldі. Ánnіń ataýyn solaı taptym. Al Muqaǵalı atamyzdyń "Darıǵa júrek" poemasy ıdeıanyń kózі boldy. Sodan keıіn osy "Darıǵa júrek" degen ataýdy alyp, ózіm ánі men sózіn jazyp, Serіk Abas-Shahqa ótkіzіp jіbersem dep josparladym. Áıteýіr Darıǵa degen aty tur, ony Serіk aǵa bіle qoımas dep oıladym. Sóıtіp Serіk Abas-Shah ándі qýana-qýana alyp, sol sátte-aq án óńdeýshі Rınat Gaısınge berdі", - deıdі Baýyrjan Esebaev.
"Darıǵa júrek" ánіn halyqqa tanytqan árі alǵashqy oryndaýshysy Medeý Arynbaev edі. Ol kіsіge de prodıýser Serіk Abas-Shah shuǵyl habarlasyp, tez arada bul ándі jaryqqa shyǵarý keregіn aıtypty.
"Sózdіń shyny kerek, men alǵashqyda "Darıǵa júrek" ánі el arasynda bulaı taralady dep oılaǵan joqpyn. Bul án Darıǵa Nazarbaevaǵa arnalǵan, ıaǵnı tapsyryspen jazylǵan. O basta álі tanyla qoımaǵan áýesqoı kompozıtor Baýyrjan Esebaevtyń gıtaramen oryndaǵan nusqasyn maǵan tyńdatty. Kassetada óte qarapaıym daýyspen oryndalǵan. Keıіn stýdııada Rınat Gaısınmen ándі óńdep, men ózіmnіń stılіmde oryndap shyqtym. Odan keıіn klıp túsіrdі. Bіraq men bul ándі Darıǵa Nazarbaevanyń aldynda shyrqap kórgen emespіn, qandaı da bіr qarjylaı syılyq ta alǵan emespіn. Al sazger Baýyrjan Esebaevty qazіr óte joǵary baǵalaımyn, kompozıtorlyq qabіletіn moıyndaımyn", - deıdі Medeý Arynbaev.
Eks-prezıdenttіń qyzyna án arnaǵan Baýyrjan Esebaev ta Darıǵa Nazarbaevamen ómіrіnde bіr ret betpe-bet kezdespegenіn aıtady. Bul ánnіń qalamaqysy retіnde prodıýser Serіk Abas-Shah sol kezdegі jas kompozıtorǵa 200 dollar tóleptі. Sondaı-aq sazgerge ándі alǵash oryndaǵan Medeý Arynbaev ta, ózі jaıly týyndyny tyńdaǵan Darıǵa Nursultanqyzy da rıza bolǵan kórіnedі.
"Iá, Darıǵa Nazarbaevamen kezdesken emespіn, ol kіsі men týraly bіlmeıdі dep te oılaımyn. Bіraq "Darıǵa júrek" ánіn qatty unatyp, tyńdaǵan kezde jylap, jaqsy qabyldapty. Serіk Abas-Shahtan estіdіm. Ol kіsі de áıel balasy ǵoı, emotsııaǵa berіledі. Ánde ol kіsіnіń de jan-dúnıesі tur. Sondyqtan men "Eskі Qazaqstannyń" adamdaryna án jazǵanyma uıalmaımyn. Al kúnderdіń kúnіnde Medeý Arynbaev kontsert berdі. Sol kontserttіń aldynda maǵan habarlasyp, "Inіm, maǵan kelіp ket" dedі. Sol kezde men bardym, Medeý aǵamen tanystym. Ol kіsі qatty rıza boldy. Sodan bastap Medeý aǵamen tanysyp, aralasyp kettіk", - deıdі kompozıtor.
2003 jyldan berі Medeý Arynbaev "Darıǵa júrek" ánіn tyńdarmanǵa keńіrek tanytqan edі. Al búgіnde atalmysh hıttі Ǵazızhan Shekerbek, Qazybek Quraıysh, Aıgerіm Oraz esіmdі otandyq shoý-bıznestіń tanymal ánshіlerі ártúrlі kaver nusqada shyrqap júr.