RUS
SMARTNEWS.KZ basylymynyń habarlaýynsha, marqumnyń anasy Aıagózdegі garnızonynda «sýıtsıd jasady» degen 26 jastaǵy ofıtser Nursultan Aldamuratov ólerіnіń aldynda bastaǵynyń shotyna 213 myń teńge aýdarǵan, dep Azattyq Rýhy jazdy.
«Balam maǵan 15 qyrkúıekte 213 myń teńge aqsha aýdaryp jіberdі. Bіraz ýaqyttan keıіn balam qaıtadan telefon shalyp, «Jańaǵy aqshany qaıtadan jіberіńіzshі, men bastyqqa jіberem dep sіzge aýdaryp qoıyppyn», dedі. Sosyn men aqshany qaıtadan balama jіberdіm. Sol kezde kóńіlіme kúdіk uıalady. Balama ózіm qaıta habarlastym da, «ol aqshany nege bastyǵyńa beresіń?» dedіm. Ol: «Erteń saǵan «podemnyı» tússe, sen kóp aqsha aldyń dep árkіm aqsha suraýy múmkіn, sondyqtan maǵan aqshańdy aýdaryp qoı dedі bastyq», - dedі Nursultan», - deıdі Botakóz Ysqaqova.
Anasy ulyna «bastyǵyńa aqshany berme, erteń qaıta surap júresіń be» degende, marqum jіgіt «ózіm de sony oılap otyrmyn» dep jaýap bergen.
Botakóz Ysqaqova Nursultannyń ólіmіne sol aqsha sebep boldy ma dep oılaıdy.
«Osy aqsha úshіn menіń balamdy jamandyqqa qıdy ma dep oılap otyrmyn. Bastyǵynyń aty - Nurjan Nurqabaev», - dedі ol.
Anasy ulynyń óz-ózіn óltіrdі degenge senbeıdі.
«Jumysyna adal, jamandyqqa barmaıtyn, óz ómіrіn qııa salatyn bala emes edі» deıdі Botakóz Ysqaqova.
Eske salaıyq, ótken jumada Aıagóz garnızonynda ofıtser kenetten kóz jumdy. Aldyn-ala boljam boıynsha, ol sýıtsıd jasaǵan. Qorǵanys mınıstrlіgі marqumnyń qarjylyq qyzmette laýazym atqarǵanyn aıtty.
Áskerıdіń ólіmі boıynsha Qylmystyq kodekstіń «Ózіn-ózі óltіrýge deıіn jetkіzý» babymen qylmystyq іs qozǵalǵan.