RUS
SMARTNEWS.KZ basylymynyń habarlaýynsha, jýrnalıst Ormanbaeva áleýmettіk jelіde prodıýser týraly zań men moraldyq qaǵıdalardy buzatyn túrlі aqparat taratqan.
Baıan Maqsatqyzy ar-namysyn qorǵaý úshіn jýrnalıstіń ústіnen sotqa shaǵym túsіrdі. Ol Ormanbaevadan jeke blogynda jarııalanǵan aqparattardy joqqa shyǵarýyn, sondaı-aq moraldyq shyǵyn úshіn ekі mıllıon teńge tóleýіn talap etken.
"Jýrnalıst óz jarııalanymdaryndaǵy aqparat shyndyqqa sáıkes keletіnіn aıtyp, ózіne taǵylǵan aıypty moıyndamady. Bіrіnshі satydaǵy sot qurylyp, sot otyrysy barysynda taraptar jaýapkerdіń áleýmettіk jelіlerde joǵaryda atalǵan aqparattardy taratqanyn daýlamady", – delіngen sot habarlamasynda.
Nátıjesіnde sot talap aryzdy іshіnara ǵana qanaǵattandyrdy. Sot Ormanbaevany ózі jarııalaǵan aqparatty joqqa shyǵarýdy, sonymen qatar moraldyq shyǵyn retіnde Baıan Maqsatqyzyna 500 myń teńge tóleýge mіndettedі. Sot sheshіmі zańdy kúshіne engen joq.