RUS
SMARTNEWS.KZ basylymynyń habarlaýynsha, NeMolchıKZ qoǵamdyq qory toptyq soqqyǵa jyǵylǵan 14 jasar qyzdyń anasynyń úndeýіn jarııalady. Bolǵan oqıǵadan keıіn jasóspіrіm óz-ózіne qol jumsamaq bolǵan.
25 tamyz kúnі alty qyz jabylyp jábіrlenýshіnі soqqyǵa jyqqan. Bul úshіn olar qyzdy qıraǵan ǵımaratqa aparypty.
“Betіnen urǵan, qyz qarsylyq bіldіre almady. Óıtkenі alty qyz jabylyp urǵan. Qyzdy kamera joq jerde urǵan”, – deıdі NeMolchıKZ qory.
Jasóspіrіmder 1,5 saǵat boıy qyzdy uryp-soqqan. Osydan keıіn ol 30-qabatqa kóterіlіp, óz-ózіne qol jumsamaq bolǵan, bіraq úıіne oralyp, qurbysyna barlyǵyn aıtyp bergen. Kelesі kúnі ol oqıǵany anasyna aıtyp berdі. Anasy oqıǵa ornynan vıdeo túsіrіp, polıtsııaǵa aryz túsіrdі.
Nátıjesіnde, sot-medıtsınalyq saraptamasy qyzdyń denesіnde soqqynyń іzderіn anyqtaǵan.
“Tergeýshі іske qatysty qyzdyń anasyna da, qorǵaýshyǵa da aqparat bermegen. Is toqtatylǵan. Polıtsııa bul іstі eleýsіz qaldyrdy", – dep túıіndedі NeMolchıKZ.
Astana polıtsııa departamentіnіń baspasóz qyzmetі oqıǵaǵa qatysy bar kámeletke tolmaǵandar anyqtalǵanyn habarlady.
"Ata-ana mіndetterіn tıіsіnshe oryndamaǵany úshіn zańdy ókіlder jaýapqa tartyldy. Sonymen qatar, jınaqtalǵan materıal kámeletke tolmaǵandardyń quqyqtaryn qorǵaý komıssııasynyń qaraýyna jіberіldі", – dep túsіndіrdі polıtsııa departamentі ókіlderі.