RUS
SMARTNEWS.KZ basylymynyń habarlaýynsha, boıjetken jelіdegі jazbasynda polıtsııanyń áreketsіzdіgі týraly aıtyp, sіńlіsіnіń ólіmіne qatysty tergeýge nazar aýdarýdy suraıdy. Onyń aıtýynsha, ol baýyrynyń ólіmіne qatysy bolýy múmkіn adamdardy bіledі.
"Menіń atym Karına Spartakovna Aleksandrıýk. Barsha qazaqstandyqtardan kómek suraǵym keledі! 10 qyrkúıekte bіzdіń otbasymyzda úlken qaıǵy boldy – menіń kіshkentaı sіńlіm qaıtys boldy. Onyń denesі qaraýsyz qalǵan ǵımarattan tabyldy. Qazіr qylmystyq іs qozǵaldy, onyń barysynda polıtsııanyń áreketsіzdіgі baıqalady. Alǵashqy kúnnen bastap Baıqońyr aýdandyq іshkі іster bólіmі qyzmetkerlerі sіńlіmnіń denesіnen múldem dene jaraqattary nemese zorlyq-zombylyq belgіlerі tabylmaǵanyn alǵa tartyp keledі. Olar qoldaryn bіr sermep qoıyp, otbasymdy aqymaq kóredі. Qyzmetkerler "erteń sіzge habarlasady" dep aıtyp, muny kezdeısoqtyq dep sanaıdy", – dedі marqumnyń ápkesі.
Ol óz kózіmen sіńlіsіnіń denesіnde gematomalardy, shyntaǵy men ıyǵy qanjosa bolǵanyn jáne ashyq jaralardy kórgenіn aıtady.
"Bul іske qatysy bar bіr top adamdardy jáne qazіr jaýap alynbaǵan kýágerlerdі taýyp, anyqtadym", – dep astanalyq turǵyn quqyq qorǵaý organdaryna shaǵymdandy.
Sonymen qatar Karına basqa balalar úshіn qorqatynyn aıtady.
"Menіń otbasym qazіr óte qıyn jaǵdaıda. Anam úıden shyqpaıdy, tamaq іshpeıdі, uıyqtamaıdy. Kómek surap, polıtsııanyń áreketsіzdіgіn janushyra aıtqym keledі! Men basqa balalar úshіn qorqamyn! Qylmysty jazataıym oqıǵa dep sanap, barlyǵyn tejeýge jol bermeı, osy іstі sońyna deıіn jetkіzýіńіzdі suraımyn. Kómek jáne jarııa etýdі suraımyn. Men Baıqońyr AIIB qyzmetkerlerіnіń áreketsіzdіgіn aıtyp otyrmyn", – dedі boıjetken.