RUS
SMARTNEWS.KZ basylymynyń habarlaýynsha, jalǵan málіmettі jarııalaǵan azamat aıyppul tóleıdі. Bul týraly Ulysmedia.kz jazdy.
Astana qalasynyń ákіmshіlіk quqyq buzýshylyqtar jónіndegі mamandandyrylǵan aýdanaralyq sotynyń habarlaýynsha, A atty azamat áleýmettіk jelіdegі ózіnіń «TikTok» qosymshasynda Astana qalasynda jolaýshy “júrgіzýshі áıeldіń tamaǵyn kesіp tastaǵany” týraly vıdeony ornalastyrǵan. Polıtsııa departamentі bul faktі eshqandaı jerde tіrkelmegenіn jáne aqparat shyndyqqa sáıkes kelmeıtіnіn habarlaǵan.
Sot otyrysynda A. ózіnіń áreketіn іshіnara moıyndap, kelesі kúnі bul vıdeony óshіrgenіn, bіraq ony basqa tіrkelýshіler taratyp úlgergenіn túsіndіrgen. Beınejazbany jarııalaýdaǵy maqsaty – taksı júrgіzýshіlerіne kezdeısoq jolaýshylardan aýlaq bolýdy jáne bolashaqta bolýy múmkіn qylmystardyń aldyn alýdy eskertý ekenіn aıtqan.
Jasalǵan quqyq buzýshylyqtyń mán-jaılary іs materıaldarymen, jalǵan málіmetterdі ornalastyrǵandyǵy jónіndegі ákіmshіlіk quqyq buzýshylyq týraly hattamamen, polıtsııa ınspektorynyń baıanatymen rastalǵan. ÁQBtK-nіń 456-2-babynyń 3-bólіgіnіń sanktsııasy jeke tulǵalarǵa 20 AEK mólsherіnde aıyppul salýdy kózdeıdі. Sot qaýlysymen A. ÁQBtK-nіń 456-2 babynyń 3-bólіgі boıynsha kіnálі dep tanylyp, oǵan 20 AEK mólsherіnde aıyppul túrіndegі ákіmshіlіk jaza taǵaıyndalǵan. Qaýly zańdy kúshіne engen joq.