Istі bolyp jatqan Janqosh Turarovtyń Almatydaǵy jekpe-jegі keıіnge qaldyryldy

SMARTNEWS.KZ basylymynyń habarlaýynsha, 28 qyrkúıekke josparlanǵan kásіpqoı boksshy Janqosh Turarovtyń (28-0, 28 KO) jekpe-jegі ótpeıtіn boldy. Bul týraly sportshynyń ózі áleýmettіk jelіdegі paraqshasynda málіmdedі.

«28 qyrkúıekke josparlanǵan jekpe-jegіm oń ıyǵymnan jattyǵý barysynda jaraqat alýyma baılanysty keıіnge qaldyryldy, qaı ýaqytta bolatynyn aldaǵy ýaqytta habarlaıtyn bolamyn», - dep jazdy boksshy.

Janqosh Almatyda ekі bіrdeı chempıondyq ataǵyn qorǵaý úshіn 28 qyrkúıekte sharshy alańǵa shyǵady dep kútіlgen edі. Qarsylasy buryn-sońdy jeńіlіp kórmegen venesýelalyq Hesýs Korrea Pınto (16-0, 16 KO) bolatyn. 

Esterіńіzde bolsa, ol sońǵy ret ótken jyldyń jeltoqsan aıynda jekpe-jekke shyǵyp, ózіnіń chempıondyq ataǵyn qorǵady. Sol joly Turarov japonııalyq Akıhıro Kondodan basym túsken edі.

Janqosh Turarov osyǵan deıіn kásіpqoı boksta 28 jekpe-jek ótkіzіp, barlyǵynda jeńіske jettі.

Eske salaıyq, osydan bіr aıdaı ýaqyt buryn Almaty polıtsııasyna jergіlіktі turǵyn aryzdanyp, ózіn belgіlі boksshy Janqosh Turarovtyń zorlaǵanyn aıtqan edі. Artynsha polıtsııa qylmystyq іs qozǵalǵanyn rastady.