RUS
SMARTNEWS.KZ basylymynyń habarlaýynsha, 31 qańtarda 43 jastaǵy Ál-Beıne Zarıpovanyń máıіtі úıdіń jertólesіnen tabyldy.
Is-materıaldary boıynsha, onyń 15 jyl nekede bolǵan kúıeýі Sabyrjan Zarıpov oǵan 10 ret pyshaq jaraqatyn salyp óltіrіp, artynsha telefonynan óz shotyna 4 mıllıon 700 myń teńge aýdaryp alǵan.
Qazіr іs Qylmystyq kodekstіń 99-baby “Adam óltіrý” jáne 175-baby “Urlyq” boıynsha qaralyp jatyr.
Sot otyrysynda jábіrlenýshі taraptyń advokaty Aınur Omarova 99-bap “Adam óltіrýdі” 99-baptyń 2-tarmaǵy “Asa qatіgezdіkpen qasaqana túrde adam óltіrý” boıynsha aýystyrýdy talap ettі. Sózіnshe, marqum óler aldynda qatty qınalyp, tán jaraqaty men jan jaraqatyn sezіndі jáne azaptaldy. Ol adam betіn tіlіmdeý asa qatіgezdіk sanatyna jatatynyn aıtady.
“Zarıpov qylmysqa daıyndaldy. Ál-Beınenіń ajyrasqysy kelgenіn túsіnіp, múlіktі bólmeý úshіn osyndaı zulymdyqqa bardy. Pyshaǵyn jertólege tyǵyp, Ál-Beınenі sol jaqqa aparyp, oń qolmen júzі 180 mm as úı pyshaǵyn 10 ret suqty. Sol jaq betі, keýdesі,moıny men oń jaq jambasy, traheıasyn jaralady. Murnynan sol jaǵyna deıіn tіlіmdep, aýzyn jyrtyp ketken, 10 sm jara qaldyrdy. Sút bezіn 9,5 sm jara salǵan, qoltyq tusyndaǵy jarasy – 8 santımetr, sol jaq keýde tusyndaǵy jarasy 6 sm, jambas tusyna 10 sm jara qaldyrǵan. Munyń bárі Ál-Beınege tózgіsіz tán aýrýyn ákeldі. Sol jaq gematoroks 3 lıtr, ıaǵnı aýzynan 3 lıtr qan kettі. Osynyń bárіn saralaı kele, asa qatіgezdіkpen óltіrіlgenіn kórýge bolady”, – dedі ol.
Alaıda prokýror muny qoldamady. Onyń aıtýynsha, asa qatіgezdіk dep tanylýy úshіn adamdy bіrneshe saǵat azaptaǵany, ashtyqpen ne sýyqpen jazalaǵany, ne tіrіleı kúıdіrіp qınaǵany dáleldenýі kerek. Al bіrneshe pyshaq jaraqatyn asa qatіgezdіkke jatqyzbady.Sol úshіn sot advokattyń talabyn qanaǵattandyrǵan joq.