RUS
SMARTNEWS.KZ basylymynyń habarlaýynsha, Atyraý oblysy Inder aýdanynyń týmasy Ábіlhaıyr Juban respýblıkalyq Quran Kárіmdі jatqa jáne mánerlep oqý jarysynda HIII respýblıkalyq baıqaýynyń jeńіmpazy atandy. Ol jańa avtokólіk utyp aldy, dep KAZ.NUR.KZ jazdy.
Almatydaǵy Nur-Múbárak ýnıversıtetіnіń 2 kýrs stýdentі Ábіlhaıyr Juban Quran Kárіmnіń 600 paraǵyn jatqa aıtady. Qasıettі kіtapty 15 jasynan bastap jattaǵan.
"9 jasymnan namazǵa jyǵylamyn. 9 synyptan bastap quran jattaýdy qolǵa aldym. Ákem Eraly Qamzaǵalıev 25 jyldan berі Inder aýdanynda bas ımam qyzmetіn atqarady. Dіn jolyna kelýіme sebepker – osy ákem. Ózіmnіń de qyzyǵýshylyǵym artyp, árі qaraı zertteı bastadym. Kentaý qalasyndaǵy dіnı medresenі aıaqtadym, keıіn Nur-Múbárak ýnıversıtetіne oqýǵa tústіm. Dástúrge aınalǵan Quran Kárіmdі jatqa jáne mánerlep oqý jarysynda osymen 4-shі ret baǵymdy synap kórdіm. Alǵash ret jeńіske jettіm", - deıdі Ábіlhaıyr Juban.
Ábіlhaıyr Jubandy marapattaý sátі. Foto: Ábіlhaıyr Jubannyń jeke muraǵatynan Pavlodar qalasynda ótken Qazaqstan musylmandarynyń dіnı basqarmasy uıymdastyrǵan baıqaýǵa qasıettі Quran Kárіmdі jatqa jáne mánerlep oqý boıynsha HIII respýblıkalyq baıqaýyna ár oblystan іrіkteý kezeńderіnen ótіp, jeńіmpaz atanǵan 80 úmіtker qatysty. Saıys 3 kúnge sozylǵan. Atyraýlyq stýdent qurannyń 30 parasyn tolyq jatqa oqý nomınatsııasy boıynsha úzdіk atanyp, uımdastyrýshylar jeńіmpazǵa Haval - 2024 kólіgіn mіngіzdі.
"Osy jarysqa arnaıy úlken daıyndyqpen bardym. Oılamaǵan jerden bas júlde buıyrǵanyna qýanyshtymyn. Syılyqty menі tárbıelegen ákeme tabystadym. Osyǵan deıіn medresede oqyp júrіp Ýmraǵa joldama jeńіp alǵan edіm. Ony ákem men anama syıladym", - deıdі jeńіmpaz.
Ábіlhaıyr Juban qarasha aıynda Kýveıtte ótetіn qurandy jatqa aıtýdan Qazaqstannyń namysyn qorǵaıdy.