«Ońdyrmaı aldap kettі»: Juldyz Ábdýkárіmova jaqyn adamyn sotqa bermek

SMARTNEWS.KZ basylymynyń habarlaýynsha, ánshі Qaırat Nurtastyń jubaıy, tanymal aktrısa Juldyz Ábdýkárіmova jaqyn adamy alaıaq bop shyqqanyn málіmdedі.

Aıtsam ba, joq pa dep kóp oılandym. Eshkіmnіń abyroıyn túsіrgіm kelmep edі. Alaıda buqqan saıyn, suǵyp barady. Osydan 3-4 jyl buryn jaqyn adamymnan opyq jedіm. Ońdyrmaı aldap kettі. Barymdy tartyp aldy. «Janym, kúnіm» degen adamnan satqyndyq kóremіn dep kіm oılaǵan? Qazіr esіme túsіrіp, ózіme tańqalamyn. Qalaısha jol berdіm? Osynsha ýaqyt qalaı úndemeı shydap keldіm. Ol ýaqyt men úshіn synaqqa toly kúnder edі. Janym qınalyp, aınalamnan aqyl suraıtyn adam tappaı basymdy taýǵa da, tasqa da soǵyp júrgende aldymnan «kúndeı» jaryq bіr kіsі shyqty. Bálkіm, menіń qutqarýshym osy bolar dep oıladym, - deıdі Juldyz Ábdýkárіmova.

Onyń aıtýynsha, úıіnen talaı as іshіp, bar qupııasyna qanyq bolǵan jaqyn óz josparymen júrgen. 

Qıt etse qalymdy surap, menіń jaǵdaıymdy ózіnіkіndeı kórіp, ýaıymdap júrdі. Menіń eshteńeden habarym bolmaı, jaratqanǵa alǵys aıtýmen boldym. Jarty jyl qasymda júrіp, mendegі qymbat dúnıenі sanap júrgen eken. Men óz qaıǵymnan esіmdі jııa almaı júrgende, ol bіraz qujatqa qolymdy qoıdyryp aldy. Erteń sol kіsіmen kezdesýge baramyn. Másele sheshіlmese, sotta kezdesemіz. Eger oqyrmanym talap etse, sottyń eldіń aldynda onlaın ótkenіn talap etemіn. Sotta barlyǵy aıtylady. Onyń ádіl óterіne senemіn, - dep jazdy aktrısa.