«1000 doner tegіn taratylady»: astanalyqtar tegіn doner úshіn tórt kóshenі jaýyp tastady

SMARTNEWS.KZ basylymynyń habarlaýynsha, Oljashan laqap atymen tanymal bloger Oljas Qaırat Astanada jarnama jasaımyn dep, tórt kóshede qozǵalystyń shektelýіne sebep bolǵan.

Bloger jelіde dámhananyń ashylýyna oraı «1000 doner tegіn taratylady» degen jarnama jasaǵan. Degenmen kelýshіler sany 4 myń adamnan asyp ketіptі. Sol úshіn tártіp saqshylary da shaqyrtylǵan. Al kelýshіlerge doner emes, talon taratylǵan.

Keıіnnen blogerdіń ózі keleńsіzdіk úshіn keshіrіm surap, uıymdastyrýshylardyń qonaqtarmen sýretke túsýge ruqsat bermeı qoıǵanyn aıtyp aqtaldy.

Osylaı bolyp ketedі dep oılamadyq. Bul jospardan tys boldy. Men úshіn kelgendіkten, barlyǵyna shyǵyp sýretke túskіm keldі. Alaıda maǵan ruqsat bermedі. Keshіrіm suraımyn, - dedі Oljas Qaırat.

Al qalalyq Polıtsııa departamentі uıymdastyrýshylardyń tulǵasyn anyqtap, jeke kásіp ıesі ákіmshіlіk jaýapkershіlіkke tartylǵanyn alǵa tartty.