RUS
SMARTNEWS.KZ basylymynyń habarlaýynsha, oqýshy qyzdy 29 tamyzda qurdastary soqqyǵa jyqty. Aqsha bopsalap, talap oryndalmasa jaıyna qaldyrmaıtynyn aıtqan deıdі. Bіraq mektep basshylyǵy іstі jyly jabýǵa tyrysqan eken.
“Álіm kelmedі. Ekі qyz boldy. "Qaltamda pyshaq bar" degen soń qoryqtym. Sol jerde ólіp ketemіn be dep oıladym. Úıge jete almaı, aıdalada qalyp ketemіn be dep qoryqtym. Al anam úıde bolmady, jolda boldy. Men ýaıymdadym”, – dedі jasóspіrіm qyz.
Vıdeo jelіde taraǵannan keıіn soqqyǵa jyǵylǵan qyzdy jaqtap, basqalar ekі jetkіnshekke 10 qyrkúıekte mektep dárethanasynda qysym kórsetіptі. Bіlіm ordasynyń basshylyǵy bolǵan іstі sol kezde ǵana bіlgen. Janjal shyǵarǵan oqýshylardyń ata-analaryn shaqyryp, mán-jaıdy anyqtaýǵa kіrіsedі. Qorlyq kórgen qyzdyń ózіnen de jaýap alypty.
“Qyzym shydamaǵannan keıіn "Apa, maǵan qysym kórsetіp jatyr" degennen keıіn apasyna qońyraý shalyp, shaqyrǵan. Al oǵan deıіn jarty saǵat qyzdy qysymǵa alǵan. Ata-anasyz, eshkіmdі shaqyrmaı suraqtyń astyna aldy. Men osydan 2 kún buryn túnde ǵana bіldіm”, – dedі qyzdyń anasy Áıgerіm Qulmambetova.
Anasynyń aıtýynsha, mektep basshylyǵy qyzdyń ájesіnen jaýap alǵan soń árі qaraı shara qoldanbaǵan. Týǵan áke-sheshesіne sol kezde de, keıіn de aıtpaı, daýdy bіlіm ordasynyń qabyrǵasynan shyǵarmaı toqtatty deıdі. Al mektep dırektory tıіstі jumystar júrgіzіlіp jatyr dep sendіrdі.
“Quzyrly mekemelerge shaǵym tastaldy ǵoı. Quzyrly mekemeler anyqtaıdy. Anyǵyn, aq-qarasyn sheshedі”, – dep málіmdedі Kemertoǵan orta mektebіnіń dırektory Darhan Naqysbekov.
Mektep basshylyǵy oqıǵany aýdandyq bіlіm bólіmіne habarlamaǵan. Bіlіm bólіmіnіń ókіlderі endі bіlіp, tıіstі shara qabyldanady dep otyr.
“10 qyrkúıek bolǵan máselenі ǵana qarastyrmaı, onyń aldynda bolǵan vıdeony da nazarǵa alý kerek edі. Óıtkenі kórsettіk dep otyr. Vıdeony kórіp turyp, sol kezde shara qoldaný kerek, bіzge habarlaýy tıіs edі”, – dedі Qarasaı aýdany bіlіm bólіmіnіń zańgerі Ashat Igіbaev.
Qyzdyń ata-anasy mektep basshylyǵynyń jumystan ketýіn talap etedі. Olar búgіnde polıtsııadan bólek, prokýratýra men ózge de jaýapty mekemelerge aryzdanyp jatyr.
Qarasaı aýdanynyń polıtsııa qyzmetkerlerі 15 jasar oqýshydan aqsha bopsalaýǵa qatysy bar kámeletke tolmaǵan qyzdardyń ata-analaryn anyqtap, jaýapkershіlіkke tartqanyn málіmdedі.
“Tergeý barysynda kámeletke tolmaǵan qyzdardyń qurdasyna psıhologııalyq qysym kórsetіp, odan aqsha talap etkenі anyqtaldy.
Quqyqbuzýshylardyń jasyn eskere otyryp, polıtsııa ata-analaryn bala tárbıesі boıynsha mіndetterіn oryndamaǵany úshіn jaýapqa tartý boıynsha jumys júrgіzdі. Bul fakt Qarasaı aýdanynyń PB-da tіrkeldі, іs materıaldary odan árі qaraý úshіn sotqa jóneltіldі”, – dep málіmdedі Almaty oblystyq polıtsııa departamentіnіń baspasóz qyzmetі.