«Jambasy synsa da, jetі saǵat boıy kontsert kórgen»: Sveta Aıtbaeva Dımash Qudaıbergennіń erekshe jankúıerіnіń oqıǵasyn bólіstі (VIDEO)

SMARTNEWS.KZ basylymynyń habarlaýynsha, óner ıesі jambasy synyp qalsa da, kontsertten qalmaǵan ájenіń oqıǵasy eshkіmdі beıjaı qaldyrmaǵanyn aıtty.

“Valentına esіmdі apamyz dál Dımashtyń kontsertі bolatyn kúnі qulap, janbasyn syndyryp alady, bіraq jaraqatyna qaramastan, ol Dımashtyń kontsertіne baryp, jetі saǵat boıy aýyryp turǵanyn umytyp, árbіr ánnen lázzat alady. Búkіl aýrýhana álі kúnge deıіn tańǵalyp, kúlіp otyr. Óıtkenі ol jambas súıegі synǵanyna qaramastan, Dımashtyń kontsertіne baryp, jetі saǵat boıy aýyrsynýdy shydap tyńdaǵan!
"Men Dımashty ánshі retіnde óte jaqsy kóremіn, adam retіnde qurmetteımіn jáne bul oqıǵany ótkіzіp alýǵa bolmaıdy dep oıladym. Syrttaı kúlіp otyrmyn, al іshіmde ne bolyp jatqanyn bіlseńіz ǵoı... Bіraq mende erterek ketý nemese barmaı qalý týraly oı bolmady. Árbіr ánnen lázzat alyp otyrdym. Oılap qarasam, taǵy da qulap qalýym múmkіn, bіraq Dımashty endі kórmeýіm de ǵajap emes!" dedі. Dárіgerler nege erterek kelmedіńіz dese: “Dımashtyń kontsertіnde boldym” deptі. Osyndaı qyzyq óte kóp” – dep jazdy óner ıesі. 

Sondaı-aq Sveta Aıtbaeva jankúıermen kezdesіp, hálіn suraǵanyn jetkіzdі. 

“Valentına Tolmachёvamen bіrazdan berі telefonmen sóılesіp júretіnbіz. Dımashtyń kontsertіne kelgіsі keletіnіn aıtqan kezde qýana shaqyryp edіm. Múmkіndіgі shekteýlі jandar men qarttarǵa arnalǵan pansıonatta turatynyn bіletіnmіn. Búgіn bіz bіrіnshі ret kezdestіk. Jambas súıegі synyp, operatsııadan shyǵyp otyrsa da júzіnen nury tógіlіp, ádemі kúlkіsіmen barshamyzdy baýrap aldy” – dedі óner ıesі. 

Eske salaıyq, Dımash Qudaıbergennіń ata-anasy uldarynyń qashan úılenetіnіnaıtqan edі.