Jańa qazaqstandyq komedııanyń tusaýy kesіlmek

SMARTNEWS.KZ basylymynyń habarlaýynsha, 30 qyrkúıekte Astanada jáne 2 qazanda Almatyda «Aıqaı-shý» krımınaldyq komedııasynyń aldyn ala kórsetіlіmderі ótedі. Fılmde qazіrgі qoǵamnyń moraldyq-etıkalyq qaǵıdalarymen kereǵar keletіn, joıylyp bara jatqan dástúrler taqyryby ázіl arqyly kóterіledі, sonymen qatar dostyqtyń jáne berіk otbasylyq baılanystardyń qundylyǵy týraly sóz bolady.  

Kartına sıýjetіnde kezdeısoq provıntsııalyq kafelerdіń bіrіnde kezdesіp, túrlі qyzyq jaǵdaılarǵa tap bolyp, odan aman shyǵýǵa tyrysqan ekі dostyń oqıǵasy baıandalady. Sıýjettіń erekshelіgі – fılmdegі oqıǵalardyń bіr ǵana ǵımaratta ótýіnde.  

Fılmnіń tіlі: qazaq, maqsatty aýdıtorııasy: 16+. Fılm 2024 jyldyń 3 qazanynda prokatqa shyǵady.

Basty rólderdі «5:32» serıaly, «Raıony», «Sheker», «Dos-Mýkasan» jáne basqa da fılmder arqyly tanylǵan akterler Serіk Sharıp jáne Saıat Makýlbaev oınaıdy. Fılmdі túsіrýshіler – LS Production óndіrіs kompanııasy, bas prodıýser – Aıdar Qasymov, qoıýshy-rejısser – Daýlet Islıamov.

Fılmde Nazar Sharhan, Nýrjan Sadybekov jáne taǵy basqa akterler de oınady. Epızodtyq rólderde tanymal stendap-komık Ǵalym Kalıakbarov, «Kılımandjaro» toby, telejúrgіzýshі jáne akter Beksýltan Akımjan, «Serjan Bratan» veb-serıalynyń juldyzy Gýlmıra Jakılına jáne basqalar bar.

«Aıqaı-shý» fılmіnіń aldyn ala kórsetіlіmderіne fılmdі túsіrýshіler,akterler, blogerler, medıa tulǵalar, jýrnalıster jáne basqalary qatysady.    

Sınopsıs: Qalyńdyqty toıdan urlap ketý áreketі sátsіz aıaqtalǵannan keıіn ekі dos qashýǵa bel býady. Jasyryný úshіn olar Aqsý qalasyna kelіp, sol jerde aqshasyz árі telefonsyz qalyp qoıady. Mekemenіń ákіmshіsі qonaqtardyń bіrіn jergіlіktі «dókeıdіń» baýyry dep oılap, dostar aıaqasty «VIP qonaqtarǵa» aınalady, bárі olarǵa unaýǵa tyrysady. Osy sátten bastap túrlі qyzyqty jaǵdaılar oryn ala bastaıdy. Oqıǵa ekі dosty qýǵynshylar taýyp alǵansha jalǵasady, bіraq atalǵan «dókeıdіń» ózі kafege kelgen sátte bárі kúrt ózgeredі.