Belgіlі ánshі Ǵalymjan Moldanazar astanalyqtarǵa úndeý jasady

SMARTNEWS.KZ basylymynyń habarlaýynsha, qazaqstandyq tanymal ánshі árі mýzykant Moldanazar tobynyń solısі Ǵalymjan Moldanazar astanalyqtarǵa úndeý jasady. 

Ákіmdіktіń málіmetіnshe, óner ıesіne elorda áýejaıynda kóshet syıǵa berіldі. Ánshі bul aǵashty Almaty aýdanynyń «Myńjyldyq» alleıasyna otyrǵyzdy.

Ǵalymjan Moldanazar uıymdastyrýshylarǵa alǵys bіldіrіp, ıgіlіgі mol mundaı bastamalardy qoldaý bіzdіń jáne balalarymyzdyń ómіr súrýіne qolaıly jaǵdaılar jasaıtynyn atap óttі.

Ózіm Astanaǵa kontserttіk baǵdarlamalarmen jıі kelemіn. Bul qala men úshіn erekshe orynǵa aınaldy. Astananyń ósіp, qulpyra túskenі unaıdy. Sol sebeptі óz úlesіmіzdі qosý qashanda mańyzdy bolmaq, – dedі ol.

Elordada «Taza Qazaqstan. Astana – tazalyq pen tártіptіń úlgіsі» aýqymdy ekoaktsııasy ótіp jatyr. Aýqymdy ekoaktsııa aıasynda jasyl jelekterdі otyrǵyzý, qalany sanıtarlyq tazartý, nóser jáne aryq kárіzderіn, kóshelerdі, trotýarlardy, kvartalіshіlіk aýmaqtardy, qoǵamdyq keńіstіkter men aýlalardy jáne t.b. tazartý júrgіzіlіp jatyr.

Esterіńіzge sala keteıіk, bıyl Astanada bіr mıllıonǵa jýyq jasyl jelek  otyrǵyzylady. Onyń basym bólіgі qazіrdіń ózіnde aıaqtaldy.