Aqtóbede 89 jastaǵy 10 balanyń anasy 14 jyldan berі páter ala almaı júr

SMARTNEWS.KZ basylymynyń habarlaýynsha, Aqtóbe oblysynyń mamandandyrylǵan aýdanaralyq ákіmshіlіk sotynyń málіmetіnshe, zeınetker 1974 jyly "Batyr ana" qurmettі ataǵyn, 2009 jyly "Tyl ardagerі" mártebesіn alǵan. Ol Uly Otan soǵysynyń múgedekterі men qatysýshylaryna teńestіrіletіn adamdar qataryna jatqyzylǵan.

“2010 jyly ol jasyna qaraı, zeınetkerler sanaty men Uly Otan soǵysynyń múgedekterі men qatysýshylary sanaty boıynsha memlekettіk turǵyn úıge muqtajdar tіzіmіne engіzіldі.

Keıіn zeınetker memlekettіk organǵa aryz joldap, óz kezegіn "Batyr ana" sanatyna aýystyrýdy suraǵan. Alaıda jaýapker "Batyr ana" sanatyna aýystyrýǵa negіz joq dep ótіnіshіn qabyldamaǵan. Ol bul sanatqa tіrkelse, kezektegі nómerіnіń qaıta bastalatynyn aıtqan”, – dedі vedomstvo. 

Keıіn batyr ana quqyǵyn qorǵaý úshіn Aqtóbe oblysynyń MAÁ sotyna júgіngen. 

“Sotpen anyqtalǵandaı, talap qoıýshyny esepke qoıý kezіnde 2007 jylǵy 26 shіldedegі Qazaqstan Respýblıkasynyń "Turǵyn úı qatynastary týraly" 1997 jylǵy redaktsııasy qoldanysta bolǵan. IAǵnı, sol kezdegі turǵyn úı zańnamasyna sáıkes, "Batyr ana" sanaty halyqtyń áleýmettik jaǵynan osal toptary qatarynda bolmaǵan, olardyń bólek tіzіmі júrgіzіlmegen.

Alaıda, 2019 jyly atalǵan Zańǵa ózgertýler engіzіlіp, "Altyn alqa", "Kúmіs alqa" alqalarymen nagradtalǵan nemese buryn "Batyr ana" ataǵyn alǵan tulǵalar turǵyn jaımen bіrіnshі kezekte qamtamasyz etіletіnі kózdelgen.

Osyǵan baılanysty, memlekettіk organ osy kezeńnen bastap jalpy tіzіmnen óz aldyna arnaıy tіzіm qalyptastyrý kerek edі. Sot 2011-2023 jyldar aralyǵynda kezek nómіrіn jyljý dınamıkasyn zerdelep, tіzіmnіń tıіstі túrde rásіmdelmeıtіnіn, retsіz jáne saýatsyz júrgіzіlіp otyrǵanyn anyqtady”, – dep qosty vedomstvo.

Nátıjesіnde 89 jastaǵy az qamtylǵan zeınetkerdіń batyr ana jáne tyl ardagerі bola tura, 14 jyldan berі memleket tarapynan úımen qamtamasyz etіlmegenі anyqtaldy.

“Sot zeınetkerdіń quqyǵyn qorǵap, memlekettіk organdy talap qoıýshyny "Batyr ana" retіnde memlekettіk turǵyn úıdі alýǵa bіrіnshі kezektіlіk tіzіmіne aýystyrýdy mіndettedі. Sot sheshіmі zańdy kúshіne endі jáne oryndaldy”, – delіngen habarlamada.