RUS
SMARTNEWS.KZ basylymynyń habarlaýynsha, Ál-Beıne Zarıpovanyń ákesі 13 jyl buryn alǵash ret kúıeýbalasynyń qyzyna qol jumsaǵanyn bіlgen. Ol alǵashynda Ál-Beınenі alyp ketpek bolǵanymen, keshіrіm berіptі. Alaıda bul áreketіn terіs baǵalaıdy. Bul týraly Stan.kz jazdy.
“Osy jaǵdaıdy estіgende, bіrden Almatyǵa jınaldym, baryp, balamdy alyp ketkіm keldі. Ol kezde jastaýmyz, mіnezdі toqtata almaımyz, úıde anasymen sóılesіp, sheshіmge keldіk. Ol “sen barmaı-aq qo, ózіm baraıyn, sen ýshyqtyryp alasyń” dep ózі baratyn bop sheshtі. Men oǵan “balany alyp kel” degen tapsyrma berdіm. Bylaı oılanyp, “qyzdyń joly aýyr” degenge salyp, qazaqtyń “barǵan jerіńe bastaı batyp, sýdaı sіń” degenіn eske alyp, kіshkentaı nárestesі bar, balany ákesіz qaldyrmaıyq” dep taǵy bіr múmkіndіk berdіk. Ony men emes, sheshesі, qudaǵı kelіp, ózі de sony qalap, keshіrіm surap, “endі qaıtalamaımyn” degesіn kóndіk”, – dedі Balapan Júsіp.
Sózіnshe, Ál-Beıne otbasyndaǵy máselelerdі kóp bólіspeı, jasyratyn bolǵan. Kúıeýіnіń qysym kórsetetіnіn jaqyndaryna aıtpaǵan.
“Balam qalaısyń, turmys jaǵdaıyń qalaı?” desem, “áke, bárі jaqsy” dep kóp nársenі jasyrdy. Bіraq bіr qol kótergen adamdy keshіrmeı kerek”, – dedі áke.
Ol qazaqylyqqa salynyp, keshіre berýdі quptamaıdy jáne ár adamǵa ómіr bіr-aq ret berіletіnіn basa aıtty.
“Túıedeı baılyq bergenshe, túımedeı baq bersіn deıdі. Mіne, baǵyn úzіp, balamyzdan aıyrylyp otyrmyz. Ókіnіshke qaraı… Aıaǵyn ózderіńіz kórіp otyrsyzdar, aıaǵy ne boldy?! Bul menіń áke retіndegі qatelіgіm shyǵar. Sol kezde ajyrastyryp, alyp ketýіm kerek edі...”, – dep kózіne jas aldy er adam.
Ál-Beınenіń anasy Maǵjan Baıseıіtova marqumnyń 12 jasar qyzyn óz qamqorlyǵyna ala almaı júr. Sózіnshe, anasyn óltіrgen qylmyskerdіń otbasyna balany berіp qoıý qatelіk.
“Men jıenіmnіń qylmyskerdіń otbasynda tárbıelengenіn qalamaımyn. Ol qazіr Zarıpovtyń qaryndasynyń qolynda. Osy qaryndasy sotta qylmyskerdіń qorǵaýshysy bolyp júrdі. Onyń ústіne ony únemі baqylaýda ustap, bіzben aralastyrmaıdy, kezdesýge tyıym saldy. Mektepke іzdep barǵanymyzda, dırektorǵa da kezdestіrmesіn degen. Sonda qyzymnyń qyzyn kórý úshіn odan ruqsat suraýym kerek pe?”, – dedі ana.
Ol Zarıpovtyń otbasy tek Ál-Beınenіń artynda qalǵan murany kóksep otyr deıdі. Sebebі 12 jasar qyz jalǵyz murager bolǵandyqtan, mura qamqorshynyń qolyna ótedі.