RUS
SMARTNEWS.KZ basylymynyń habarlaýynsha, “Kóremіz” baǵdarlamasyna ádіldіk surap marqumnyń týysqandary keldі. 9-synyp oqýshysyn bіr top bala jabylyp urǵan kórіnedі.
“6 balanyń anasymyn. Nurjan – ekіnshі ulym. 2009 jyly 6 qazanda dúnıege keldі. Balalarym kіshkentaı bolǵasyn mekteptegі álіmjettіk degendі bіlmeppіn. Nurjannyń ólіmіnen keıіn aýyl shýlap kettі. Mektepte býllıń bar eken. Bálenіń bárі 9-synypqa kóshkennen keıіn bastalyp otyr. Mama, 15 jasymdy kúshtі etіp toılaımyz ǵoı” dep aıtyp júretіn. Oǵan jetpedі. 10-11 synyptyń balalary jabylyp urǵan. Sol oqıǵany kórgen kórshі bala anasyna júgіrіp kelіp, “Bіrjan aǵanyń balasy qulap jatyr” deptі. Qatty qorqyp ketken sııaqty. Eskі monshanyń іshіne jınalǵan. Kólіktіń jaryǵy shaǵylysa bergesіn, eskі úıge aparyp, tóbelestі jalǵastyrǵan. 11-synyp oqıtyn oqýshy “Nurjandy óltіre ber, ózіm jaýap berem” deptі. Menіń balamda nendeı ákesіnіń quny bar?! Endі jaýap bersіn. Qaraqustan tepkennen keıіn, turmaı qalǵan”, – dedі Amangúl Raýshanova.
Qandy oqıǵa qoǵamdy dúrlіktіrdі. Óıtkenі qylmystyń tergelýі “barmaq basty, kóz qysty” bolyp ketken. Marqumnyń ápkesі áleýmettіk jelіde vıdeo jarııalap, qoǵamdyq rezonans týdyrdy.
“Aýylymyzda bіr ǵana mektep bar. Mekteptegі álіmjettіk burynnan bar. Joǵary synyp oqýshylary tómengі synyptaǵy balalarǵa álіmjettіk jasaıtyn. Nurjannyń dene bіtіmі іrі bolǵasyn, kóbіnde ol synyptastaryn qorǵap júretіn. Boks úıіrmesіne barǵan. Synyptas qyzdary: ”Nurjandy qattyraq uryńdar” degen sózdі aıtyp jatyr. Odan keıіn papamnyń qaryndasynyń qyzyna “10 ýdar alamyn da, qaıtyp kelemіn” dep jazyp jіberіptі. Men Almatyda bolǵasyn іnіmnіń janazasyna úlgermedіm. Bіraq erteńіne úlgerіp keldіm”, – dedі marqumnyń ápkesі Aıajan Sydyq.
“Kóremіz” túsіrіlіm toby barǵanda marqumnyń otbasyna kúdіktі 15 balanyń ata-anasy baryp, keshіrіp surap kelgen. Alaıda qara jamylǵan otbasy keshіrіm bermeıtіnderіn aıtty. Alaıda Gúlnaz esіmdі kelіnshek ulynyń sol oqıǵany kózіmen kórgenіn aıtyp berdі.
“Menіń ulym Erasyl Nurjanǵa kómektespek bolyp, aýyl dárіgerіn shaqyrǵan. 11-synyptyń oqýshylary 10 synyptyń oqýshylaryn jyl saıyn osylaı urady eken. Tártіpke salyp, keýdelerіnen urady eken. Tek bіr ýdar ǵana beredі eken. Menіń balam kómektesken. Nurjaýǵan degen bala ekeýі Nurjandy kóterіp alǵan. Aıtylyp jatqan aqparattyń bárі jalǵan. Eshkіm ony jabylyp urǵan joq, kerіsіnshe bárі kómektesken”, –dedі aýyl turǵyny.
14 jastaǵy balanyń ólіmіne ázіrge úsh bala kúdіktі dep tanyldy. Mektep muǵalіmderі Jansen men Nurjaýǵan jáne Erkebulannyń tártіptі oqýshy bolǵanyn aıtady. Alaıda marqumnyń anasy kúdіktіler jazadan qutylyp kete me dep alańdaıdy. Kúdіktіnіń ata-analary marqumnyń otbasyn jalǵan aqparat taratyp otyr dep aıyptaıdy.
“Jansen qazіr tergeýde otyr. 11-synyptyń oqýshylary 10 -synyp oqýshylaryna buıryq bergen. Ulymnyń kіsі ólіmіne qatysy joq. 10-synyp oqýshylary aqyryndap ura bastaıdy, bіraq qatty uryńdar dep aıtady. Bes balanyń beseýі de uryp shyqqan. Ulym qashyp kete almadym, bárі qarap tur” dedі. Marqumnyń otbasy jalǵan aqparat taratty. Olar Nurjandy óltіrіp, qashyp ketken joq” – dedі Jansennіń atasy men ákesі.