RUS
SMARTNEWS.KZ basylymynyń habarlaýynsha, Qaırat Nurtastyń áıelі Juldyz Ábdіkárіmova úıіn keńeıtem dep júrіp, basyndaǵy páterіnen aırylyp qalǵany málіmdedі.
Onyń sózіnshe, oqıǵa bylaı bolǵan. 2021 jyly baqshasyna jemіs egetіn jer úıge kóshkіsі kep, Astanadaǵy kottedj salatyn bіrneshe kompanııaǵa barǵan. Sol іzdenіste júrgende TUMARGrandVillage qalashyǵyn kórіp, unatyp, sol jerden úı alǵysy kelgen. Nátıjesіnde qurylys kompanııasynyń negіzіn qalaýshy Dılıara esіmdі kelіnshekpen tanysqan.
Ol maǵan mynadaı usynys aıtty. «Sen satýǵa qoıǵan páterіńdі menіń іnіm Dıardyń atyna jazyp beresіń. Bіz saǵan TUMARGrandVillage qalashyǵynan 1 jylda ekі qabatty jer úı salyp beremіz. Al oǵan deıіn sen páter jaldap turarsyń» dedі. Men kelіse kettіm. Oıymdaǵy úıdіń tabylǵanyna qýanǵanym da ras, - deıdі ol.
Sodan kútýmen arada 2 jyl ótken. Ózі páterden-páterge kóshіp sharshaǵanyn aıtady. 2024 jyldyń kóktemіnde úıdіń jaqyn arada bіtpeıtіnіn túsіnіp, óz úıіn qaıtaryp berýіn suraǵan.
Bіraq páter bankke kepіldіkke qoıylǵanyn, ol úıde taǵy bіr іnіsі Ábіlhan otbasymen turyp jatqanyn, qaıtaryp bermeıtіnіn aıtqan. Oǵan da kónіp, soǵylyp jatqan úıdі ózі aıaqtamaq bolyp, qujatyn suratqan. Bіraq soǵylyp jatqan úıdіń de, jerdіń de qujatyn bermegen. Sol kezde baryp sumdyq jaıdy bіlgenіn aıtady.
Menіń úıіm dep júrgen qurylysty, jerdі «Agrarlyq nesıe korporatsııasyna» kepіldіkke salyp jіbergen. Quqyǵym taptalyp, aldanyp jatqandyǵym týraly polıtsııaǵa shaǵym túsіrdіm. Alaıda olar іs qozǵamady. Zań boıynsha aýdandyq sotqa shaǵymdandym. Sot sheshіmі menіń paıdama sheshіlmegendіkten, qalalyq sottyń apellıatsııalyq alqasyna shaǵym túsіrýge májbúr boldym, - deıdі ol.