RUS
SMARTNEWS.KZ basylymynyń habarlaýynsha, ol ózіnіń Instagram paraqshasynda kompanııa basshylary men bіr top adamnyń qurbany bolǵanyn jetkіzdі.
“Sol jyly balalarym “Anashym, jer úıge kósheıіkshі, ózіmіzdіń aýlamyz bolsa, baqshasyna jemіster egeıіk”-dep surady. Bul oı maǵan da unady. Sol sátten bastap, úı іzdeýge kіrіstіm. Óz páterіmdі satýǵa shyǵaryp, tez arada kóshkіm keldі. Bar oıym úıіmdі satyp, jer úı salý nemese satyp alý boldy. Astanadaǵy kottedj salatyn bіrneshe kompanııalarǵa da bardym. Sol іzdenіste júrgende qurylys kompanııasynyń negіzіn qalaýshy Dılıara esіmdі kelіnshekpen tanystym.
Ol maǵan mynadaı usynys aıtty. “Sen satýǵa qoıǵan páterіńdі menіń іnіm Dıardyń atyna jazyp beresіń. Bіz saǵan qalashyqtan 1 jylda ekі qabatty jer úı salyp beremіz. Al oǵan deıіn sen páter jaldap turarsyń”- dedі. Men kelіse kettіm. Oıymdaǵy úıdіń tabylǵanyna qýanǵanym da ras”, – dedі ol.
Alaıda Juldyzdyń aıtýynsha arada 2 jyl ótken jáne ol balalarymen páterden-páterge kóshіp sharshaǵan.
“2024 jyldyń kóktemіnde menіń úıіmnіń jaqyn arada bіtpeıtіnіn túsіnіp, Dılıaranyń aldyna bardym. Budan artyq kúte almaıtynymdy jetkіzіp, óz úıіmdі qaıtaryp berýіn suradym. Sol kezde ol menіń páterіmdі bankke kepіldіkke (zalogqa) tіkkenіn estіrtіp, ol úıde taǵy bіr іnіsі Ábіlhan otbasymen turyp jatqanyn, qaıtaryp bermeıtіnіn aıtty. Jaqs oǵan da kóndіm, mynaý bіtpeı turǵan jer úıіmdі ózіm aıaqtaıyn sonyń qujatyn bershі dedіm. Ákіmshіlіkten obetіnі paıdalanýǵa qabyldaý aktіsіn jasatpaq boldym. Bіraq soǵylyp jatqan úıge de, jerge de qujat bermedі”, – dep qosty ol.
Aıtýynsha bul úıdі “Agrarlyq kredıttіk korporatsııaǵa kepіldіkke salyp jіbergen.
“Bіr qyzyǵy aýdandyq sotqa bararda Dılıara jeńіletіnіmdі aıtty. Men Qazaqstan Respýblıkasynyń azamatshasy retіnde quqyǵym taptalyp, aldanyp jatqandyǵym týraly polıtsııaǵa shaǵym túsіrdіm. Alaıda olar іs qozǵamady. Zań boıynsha aýdandyq sotqa shaǵymdandym. Sot sheshіmі menіń paıdama sheshіlmegendіkten, qalalyq sottyń apellıatsııalyq alqasyna shaǵym túsіrýge májbúr boldym”, – dedі Juldyz.